ସ୍ୱାମୀ ଓ ଶାଶୁ ଶ୍ୱଶୁରଙ୍କ ସହ ହୋଲି ସେଲିବ୍ରେଟ କଲେ ପ୍ରିୟଙ୍କା

1 min read

ମୁମ୍ବାଇ: ଆଜି ହେଉଛି ରଙ୍ଗର ପର୍ବ ହୋଲି। କରୋନା କଟକଣା ଭିତରେ ସମଗ୍ର ଦେଶରେ ପାଳନ ଚାଲିଛି ଏହି ଉତ୍ସବ । ପ୍ରତ୍ୟେକ ଗଳି କନ୍ଦିରେ ପିଲାଠୁ ବୁଢ଼ା ଯାଏଁ ସମସ୍ତେ ହୋଲି ଖେଳରେ ମସଗୁଲ ଅଛନ୍ତି । ବଲିଉଡ ସେଲେବ୍ରିଟି ବି ଏଥିରେ ପଛରେ ପଡ଼ିନାହାଁନ୍ତି । ଅଭିନେତ୍ରୀ ପ୍ରିୟଙ୍କା ଚୋପ୍ରା ନିଜ ଇନଷ୍ଟାଗ୍ରାମ ଆକାଉଣ୍ଟରେ ହୋଲିର କିଛି ଫଟୋ ଶେୟାର କରିଛନ୍ତି। ଏହି ଫଟୋରେ ପ୍ରିୟଙ୍କା ଚୋପ୍ରା ତାଙ୍କ ସ୍ୱାମୀ ନିକ ଜୋନାସ ଏବଂ ଶାଶୁଙ୍କ ସହ ନଜର ଆସିଛନ୍ତି।

ଏହି ଫଟୋଗୁଡ଼ିକରେ ପ୍ରିୟଙ୍କା ଫଗୁ ଓ ଫୁଲରେ ହୋଲି ସେଲେବ୍ରେଟ କରୁଥିବା ଦେଖିବାକୁ ମିଳିଛି। ପ୍ରିୟଙ୍କା ଫଟୋ ଶେଆର କରି ନିଜ ପ୍ରଶଂସକମାନଙ୍କୁ ଅଭିନନ୍ଦନ ଜଣାଇଛନ୍ତି। ସେ ଲେଖିଛନ୍ତି, ‘ରଙ୍ଗର ପର୍ବ ହୋଲି ମୋର ସବୁଠୁ ପସନ୍ଦର ପର୍ବ ମଧ୍ୟରୁ ଅନ୍ୟତମ । ଆଶା କରୁଛିଯେ ଆମେ ସମସ୍ତେ ନିଜ ପ୍ରିୟଜନଙ୍କ ସହ ହୋଲି ଖେଳିବା, କିନ୍ତୁ ନିଜ ଘରେ। ସମସ୍ତଙ୍କୁ ହାପି ହୋଲି।’

ପ୍ରୟଙ୍କାଙ୍କର ଏହି ଫଟୋ ଏବେ ସୋସିଆଲ ମିଡିଆରେ ଭାଇରଲ ହେଉଛି । ବର୍ତ୍ତମାନସୁଦ୍ଧା ତାଙ୍ର ଏହି ଫଟୋରେ ୧୨ ଲକ୍ଷରୁ ଅଦିକ ଲାଇକ ମିଳିସାରିଲାଣି। ଏଥିସହ ବହୁତ କମେଣ୍ଟ ମଧ୍ୟ ମିଳୁଛି । ଫ୍ୟାନମାନେ କମେଣ୍ଟ କରି ପ୍ରିୟଙ୍କା ଓ ତାଙ୍କ ପରିବାରକୁ ହୋଲିର ଶୁଭ କାମନା ଦେଉଛନ୍ତି।

Opn Commnet Area

Leave a Reply

Your email address will not be published. Required fields are marked *

Close Bitnami banner