ଗର୍ଭବତୀ ଯୁବତୀଙ୍କୁ ମାରି ପୋତିଦେଲା ପ୍ରେମିକ !

ଦିଲ୍ଲୀ : ରାଜଧାନୀ ଦିଲ୍ଲୀରେ ଅଭାବନୀୟ ଘଟଣା। ଜଣେ ଗର୍ଭବତୀ ଯୁବତୀଙ୍କୁ ହତ୍ଯା କରିବା ପରେ ପ୍ରେମିକ ପୋତି ଦେଇଥିବା ଅଭିଯୋଗ ହୋଇଛି। ବିବାହ କରିବା ଲାଗି ଯୁବତୀ ଜଣକ ଜିଦ୍ କରିବା ପରେ ଉତ୍ତ୍ଯକ୍ତ ହୋଇ ତାଙ୍କୁ ପ୍ରେମିକ ଜଣକ ହତ୍ଯା କରିଥିବା ଅଭିଯୋଗ ହୋଇଛି। ଏହା ସହ ଗର୍ଭସ୍ଥ ଭୂଣକୁ ବି ହତ୍ଯା କରିବା ଲାଗି ପ୍ରେମିକ ଚାପ ପକାଇଥିବା କୁହାଯାଇଛି। ପଶ୍ଚିମଦିଲ୍ଲୀର ନାଙ୍ଗଲୋଇର ୧୯ ବର୍ଷ ବୟସ୍କା ଯୁବତୀ ସୋସିଆଲ ମିଡିଆରେ ବେଶ ସକ୍ରିୟ ଥିଲେ। ତାଙ୍କର ୬ ହଜାର ଫଲୋୟର୍ସ ଥିଲେ। ସେ ସଲିମ ନାମକ ଜଣେ ଯୁବକଙ୍କ ପ୍ରେମରେ ପଡିଥିଲେ। ପରେ ସେମାନଙ୍କ ମଧ୍ଯରେ ଶାରୀରିକ ସମ୍ପର୍କ ପ୍ରତିଷ୍ଠା ହେବା ସହ ଯୁବତୀଜଣକ ୭ ମାସର ଗର୍ଭବତୀ ଥିଲେ। ଯୁବତୀଜଣକ ବିବାହ ଲାଗି ବାଧ୍ଯ କରିବାରୁ ତାଙ୍କୁ ସଲିମ ହତ୍ଯା କରିଥିବା ଅଭିଯୋଗ ହୋଇଛି। ଏହି ଘଟଣାରେ ସଲିମକୁ ଦୁଇ ଜଣ ସହଯୋଗ କରିଥିଲେ। ଯୁବତୀଜଣକୁ ହରିୟାଣାର ରୋହତକକୁ ନେଇ ସେଠାରେ ହତ୍ଯା କରି ପୋତି ଦେଇଥିଲେ। ସଲିମ ଓ ଜଣେ ସହଯୋଗୀଙ୍କୁ ଗିରଫ କରାଯାଇଛି। ଅନ୍ଯ ଜଣେ ଅଭିଯୁକ୍ତଙ୍କୁ ଖୋଜୁଛି ପୋଲିସ।