ଶ୍ରୀମନ୍ଦିରରେ ନିୟୋଜିତ ପୋଲିସ କର୍ମଚାରୀଙ୍କୁ ସ୍ମାର୍ଟ ଫୋନ ବାରଣ

ପୁରୀ: ଶ୍ରୀମନ୍ଦିରରେ କର୍ତ୍ତବ୍ୟ ସମୟରେ ନିୟୋଜିତ ପୋଲିସ୍ କର୍ମଚାରୀଙ୍କୁ ସ୍ମାର୍ଟ ଫୋନ ବାରଣ କରାଯାଇଛି । ବିଶେଷ କାର୍ଯ୍ୟରେ ନିୟୋଜିତ ଥିବା କିଛି ଅଧିକାରୀଙ୍କ ଛାଡିଦେଲେ ଅନ୍ୟ ସମସ୍ତ କର୍ମଚାରୀଙ୍କୁ ସ୍ମାର୍ଟ ଫୋନ ମନା । ଶ୍ରୀମନ୍ଦିର ଭିତରେ ମୋବାଇଲ ନେବା ବାରଣ ରହିଥିବାବେଳେ ପୋଲିସ୍ କର୍ମଚାରୀ ମୋବାଇଲ ଧରିବାକୁ ନେଇ ବିଭିନ୍ନ ମହଲରେ ଚର୍ଚ୍ଚା ହୋଇଥିଲା ।

ଇତିମଧ୍ୟରେ ମଧ୍ୟ ବାରମ୍ବାର ମନ୍ଦିର ଭିତରର ଫଟୋ ଭାଇରାଲ ହେଉଥିବା ନଜରକୁ ଆସିଥିବାବେଳେ ପୋଲିସ କର୍ମଚାରୀମାନଙ୍କ ଉପରେ ମଧ୍ୟ ଅନେକମାତ୍ରାରେ ସନ୍ଦେହ ସୃଷ୍ଟି ହୋଇଛି । ଏଣୁ ପୁରୀ ଏସପି ଡକ୍ଟର କନଓ୍ବର ବିଶାଲ ସିଂ ସ୍ମାର୍ଟଫୋନ ଶ୍ରୀମନ୍ଦିର ଭିତରକୁ ନେବା ଉପରେ କଟକଣା ଜାରି କରିଥିବା ନେଇ ଚିଠି କରିଛନ୍ତି ।