ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳରୁ ପୋଲିସକୁ ଠେଲାପେଲା, ଜଣେ ଅଟକ

ବଲାଙ୍ଗିର: ବଲାଙ୍ଗିର କଣ୍ଟାବାଞ୍ଝି ଥାନାରେ ପୋଲିସ ଏସ୍‌ଆଇଙ୍କୁ ଠେଲାପେଲା । ପୋଲିସ ଉପସ୍ଥିତିରେ ଯୁବକଙ୍କୁ ମାଡ଼ ଅଭିଯୋଗ। ଗତକାଲି କଣ୍ଟାବାଞ୍ଝି ରେଲଓ୍ୱେ ପଡ଼ିଆରେ ସାଧାରଣତନ୍ତ୍ର ପରେଡ୍‌ ଦେଖିବାକୁ ଯାଇଥିବା ଜଣେ ଯୁବକଙ୍କୁ କିଛି ଯ଼ୁବକ ମାଡ଼ ମାରିଥିଲେ ।

ଏନେଇ ଯୁବକ ଜଣକ ସମ୍ପର୍କୀୟଙ୍କୁ ଡ଼ାକି ଥାନାରେ ଅଭିଯୋଗ କରୁଥିଲେ । ତେବେ ଏହି ସମୟରେ ଅନ୍ୟ ଗୋଷ୍ଠୀର ଯୁବକ ଥାନା ଭିତରକୁ ପଶି ମାଡ଼ ମାରିଥିବା ଅଭିଯୋଗ ହୋଇଛି ।

ଉଭୟ ଗୋଷ୍ଠୀ ମଧ୍ୟରେ ସଂଘର୍ଷ ଚାଲିଥିବା ବେଳେ ଡ୍ୟୁଟିରେ ଥିବା ପୋଲିସ SIଙ୍କୁ ଠେପାପେଲା ଓ ଦୁର୍ବ୍ୟବହାର କରାଯାଇଥିବା ଅଭିଯୋଗ ହୋଇଛି । ଘଟଣାରେ ପୋଲିସ ଜଣେ ଯୁବକଙ୍କୁ ଅଟକ ରଖି ତଦନ୍ତ କରୁଛି ।