ଖୋର୍ଦ୍ଧା : ଖୋର୍ଦ୍ଧା ସଦର ଥାନା ଅର୍ନ୍ତଗତ ବଣିଆଟାଙ୍ଗୀରେ ଥିବା ଆଇନଷ୍ଟାଇନ୍ ଇଞ୍ଜିନିୟରିଂ କଲେଜରେ ଖାଦ୍ୟ ସମସ୍ୟାକୁ ନେଇ ଛାତ୍ର ଉତ୍ତେଜନା ଜାରି । ଖାଦ୍ୟରେ ପୋକ ବାହାରୁଥିବା ଅଭିଯୋଗର ଆଜି ତଦନ୍ତ କରିବ କଲେଜ କମିଟ ଓ ପୋଲିସ । ବୈଠକ ବସି ଘଟଣାର ସତ୍ୟତା ଯାଞ୍ଚ କରିବ କମିଟି । ଗତ ୩ଦିନ ଧରି ଖାଦ୍ୟରେ ପୋକ, ତାର, ମଇଳା ବାହାରୁଥିବା ନେଇ ଅସନ୍ତୋଷ ଦେଖାଦେଇଛି । ଗତକାଲି ସନ୍ଧ୍ୟାରେ ଏହି ସମସ୍ୟାକୁ ନେଇ ଛାତ୍ରମାନେ ପ୍ରତିବାଦ କରିଥିଲେ । କଲେଜ କ୍ୟାମ୍ପସ ଭିତରେ ଉତ୍ତେଜନା ସୃଷ୍ଟି ହୋଇଥିଲା । ଖବର ପାଇ କଲେଜ ଡେଭଲପମେଣ୍ଟ ଅଫିସର ପହଞ୍ଚି ପିଲାଙ୍କୁ ବୁଝାସୁଝା କରିବା ପରେ ପରିସ୍ଥିତି ସୁଧୁରିଛି । ସେପଟେ ଗାନ୍ଧୀ ଇନଷ୍ଟିଚ୍ୟୁଟ ଫର୍ ଏଜୁକେସନ ଆଣ୍ଡ ଟେକନୋଲୋଜିରେ ଛାତ୍ର ଉତ୍ତେଜନା ଦେଖାଦେଇଛି । ଖାଦ୍ୟରେ କିଛି ବିଷାକ୍ତ କୀଟ ବାହାରିବା ନେଇ ଅଭିଯୋଗ ହୋଇଛି । କଲେଜ ବାହାରେ ଏବଂ ଭିତରେ ଉତ୍ତେଜନା ଦେଖାଦେଇଛି । ସଦରଥାନା ଅଧିକାରୀ ପୋଲିସ ଫୋର୍ସ ସହ ଘଟଣା ସ୍ଥଳରେ ପହଞ୍ଚି ପିଲାଙ୍କୁ ବୁଝାସୁଝା କରୁଛନ୍ତି ।…
