ଭାଗ୍ୟଶ୍ରୀଙ୍କ ପ୍ରଶଂସା କରି PMO ଟ୍ୱିଟର ହ୍ୟାଣ୍ଡେଲରୁ ଟ୍ୱିଟ୍
1 min read
ଆଜି ୨୦୨୧ର ପ୍ରଥମ ‘ମନ କି ବାତ୍’ରେ ଓଡ଼ିଆ ଛାତ୍ରୀଙ୍କୁ ପ୍ରଶଂସା କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ରାଉରକେଲାର ଇଞ୍ଜିନିୟରିଂ ଛାତ୍ରୀ ଭାଗ୍ୟଶ୍ରୀ ସାହୁଙ୍କୁ ଭୁରି ଭୁରି ପ୍ରଶଂସା କରିଥିଲେ ମୋଦି। ତେବେ ବର୍ତ୍ତମାନ ପୁଣିଥରେ PMO ଟ୍ୱିଟର ହ୍ୟାଣ୍ଡେଲରୁ ଟ୍ୱିଟ୍ କରି ଭାଗ୍ୟଶ୍ରୀଙ୍କ ପ୍ରଶଂସା କରାଯାଇଛି।
ପିଏମଓ ଟ୍ୱିଟର ହ୍ୟାଣ୍ଡେଲରୁ ଟ୍ୱିଟ୍ ହୋଇଛି, ‘କଲେଜ ଯିବା ସମୟରେ ଭଗ୍ୟଶ୍ରୀଙ୍କୁ ଏହି ସଫ୍ଟ ଷ୍ଟୋନଗୁଡ଼ିକ ମିଳିଥିଲା। ସେ ଏଗୁଡ଼ିକୁ ଏକତ୍ରିତ କରି ସଫା କରିଥିଲେ। ପରେ ଦିନକୁ ୨ ଘଣ୍ଟା ଲେଖାଏ ସମୟ ଦେଇ ସେ ଏଥିରେ ପଟ୍ଟଚିତ୍ର ଆଙ୍କିଥିଲେ । ସେ ଏଗୁଡ଼ିକୁ ଆଙ୍କି ନିଜ ବନ୍ଧିମାନଙ୍କୁ ଉପହାର ସ୍ୱରୂପ ଦେବାକୁ ଲାଗିଲେ । ଲକଡାଉନ ବେଳେ ସେ ବୋତଲରେ ମଧ୍ୟ ପଟ୍ଟଚିତ୍ର କରିବା ଆରମ୍ଭ କରିଥିଲେ। ଏବେ ତ ସେ ଏହି ଚିତ୍ରକଳାକୁ ନେଇ ପ୍ରଶିକ୍ଷଣ ବି ଦେଉଛନ୍ତି। କିଛିଦିନ ପୂର୍ବରୁ ସେ ଶୁଭାଷ ବାବୁଙ୍କ ଜୟନ୍ତିରେ ଭାଗ୍ୟଶ୍ରୀ ପଥରରେ ପଟ୍ଟଚିତ୍ର କରି ନିଆରା ଶ୍ରଦ୍ଧାଞ୍ଜଳି ଦେଇଥିଲେ। ମୁଁ ଭବିଷ୍ୟତର ତାଙ୍କ ପ୍ରୟାସ ପାଇଁ ଶୁଭକାମନା ଜଣାଉଛି।’
Using art and culture to make a positive difference. #MannKiBaat pic.twitter.com/WJhXSdxBNz
— PMO India (@PMOIndia) January 31, 2021
ରାଉରକେଲା ସହରର ସେକ୍ଟର ୧୯ରେ ରହୁଥିବା ଭାଗ୍ୟଶ୍ରୀ, ଢେଙ୍କାନାଳ ସାରଙ୍ଗ ଇଞ୍ଜିନିୟରିଂ କଲେଜରେ ଏମଟେକ ମେଟାଲୋଜୀ ବିଭାଗର ଶେଷ ବର୍ଷ ଛାତ୍ରୀ। ଇଞ୍ଜିନିୟରିଂ ପଢୁଥିବା ବେଳେ ତାଙ୍କ ନିଶା ହେଉଛି ପଟ୍ଟଚିତ୍ର ଆଙ୍କିବା। ଏହି ପଟ୍ଟଚିତ୍ର ଆଙ୍କିବା ହିଁ ତାଙ୍କୁ ପରିଚୟ ଦେଇଛି । ଅଦରକାରୀ ବିଭିନ୍ନ ସାମଗ୍ରୀ ରେ ପଟ୍ଟଚିତ୍ର ଅଙ୍କନ କରି ଦେଶ ବିଦେଶରେ ବେଶ ପ୍ରସିଦ୍ଧି ଲାଭ କରିଛନ୍ତି ଭାଗ୍ୟଶ୍ରୀ।
