ପଦ୍ମ ପୁରସ୍କାର ନେଇ ଯୋଗ୍ୟ ବ୍ୟକ୍ତିଙ୍କୁ ମନୋନୀତ କରିବାକୁ ଜନସାଧାରଣଙ୍କୁ ପ୍ରଧାନମନ୍ତ୍ରୀଙ୍କ ଆହ୍ୱାନ

ନୂଆଦିଲ୍ଲୀ: ଏଣିକି ସମ୍ମାନଜନକ ପଦ୍ମ ପୁରସ୍କାର ନେଇ ମନୋନୀତ କରିପାରିବେ ସାଧାରଣ ଜନତା । ତୃଣମୂଳସ୍ତରରେ ବିଭିନ୍ନ କ୍ଷେତ୍ରରେ ଭଲ କାର୍ଯ୍ୟ କରୁଥିବା ବ୍ୟକ୍ତିଙ୍କ ନାମ ଏହି ସମ୍ମାନଜନକ ପୁରସ୍କାର ନିମନ୍ତେ ଆବେଦନ କରିବାକୁ ସାଧାରଣ ଜନତାଙ୍କୁ ଅପିଲ୍ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ରବିବାର ଟ୍ୱିଟ୍ କରି ପ୍ରଧାନମନ୍ତ୍ରୀ ଲେଖିଛନ୍ତି ଯେ, ତୃଣମୂଳସ୍ତରରେ ଏଭଳି ଅନେକ ଲୋକେ ଅଛନ୍ତି ଯେଉଁମାନେ ବହୁତ ଭଲ କାମ କରୁଛନ୍ତି । ସେମାନଙ୍କ ବିଷୟରେ ଆମେ ବହୁତ କାମ ଜାଣିଥାନ୍ତି ବା ଶୁଣିଥାନ୍ତି ।

India has many talented people, who are doing exceptional work at the grassroots. Often, we don’t see or hear much of them. Do you know such inspiring people? You can nominate them for the #PeoplesPadma. Nominations are open till 15th September. https://t.co/BpZG3xRsrZ

— Narendra Modi (@narendramodi) July 11, 2021

ଏଭଳି ବ୍ୟକ୍ତିଙ୍କୁ ଆଗକୁ ଆଣିବା ସହ ସେମାନଙ୍କୁ ସମ୍ମାନିତ କରିବା ନେଇ ପିପଲ୍ସ ପଦ୍ମ ଅଭିଯାନ ଆରମ୍ଭ କରିଛନ୍ତି ପ୍ରଧାନମନ୍ତ୍ରୀ । ଏବଂ padmaawars.gov.inରେ ଲୋକେ ସେଭଳି କିଛି ପ୍ରେରଣାଦାୟୀ ବ୍ୟକ୍ତିଙ୍କ ନାମ ମନୋନୀତ କରିପାରିବେ ବୋଲି ଟ୍ୱିଟ୍‌ରେ ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି । ସେପ୍ଟମ୍ୱର ୧୫ ଯାଏଁ ଏହି ଓ୍ୱେବସାଇଟରେ ଲୋକେ ନାମ ରେକମେଣ୍ଡ କରିପାରିବେ ।   ସୂଚନା ଯୋଗ୍ୟ ୧୯୫୪ ଠାରୁ ପ୍ରତି ବର୍ଷ ଗଣତନ୍ତ୍ର ଦିବସ ଅବସରରେ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ କରିଥିବା ବ୍ୟକ୍ତିଙ୍କୁ ଦେଶର ସମ୍ମାନ ଜନକ ପଦ୍ମ ବିଭୂଷଣ, ପଦ୍ମ ଭୂଷଣ ଓ ପଦ୍ମଶ୍ରୀ ସମ୍ମାନରେ ସମ୍ମାନିତ କରିଥାନ୍ତି । 

ଏଥିସହିତ ପଢ଼ନ୍ତୁ: ଭାଜପା ରାଷ୍ଟ୍ରୀୟ ଅଧ୍ୟକ୍ଷଙ୍କୁ ଭେଟିବେ ଦିଲ୍ଲୀପ ଘୋଷ: ଦଳୀୟ ଅସ୍ତନ୍ତୋଷ ନେଇ ହୋଇପାରେ ଆଲୋଚନା