ହାଇଦ୍ରାବାଦ ଏନକାଉଣ୍ଟରକୁ ବିରୋଧ କରି ସୁପ୍ରିମକୋର୍ଟରେ ମାମଲା ଦାଏର

ନୂଆଦିଲ୍ଲୀ: ପଶୁ ଡାକ୍ତରାଣୀଙ୍କୁ ଗଣଦୁଷ୍କର୍ମ ପରେ ଜାଳିଦେବା ଘଟଣାରେ ହାଇଦ୍ରାବାଦ ପୋଲିସକୁ ଦେଶ ସାରା ପ୍ରଶଂସା କରାଯାଉଛି । ଅନ୍ୟପଟେ ପୋଲିସର ଏନକାଉଣ୍ଟରକୁ ନେଇ ପ୍ରଶ୍ନ ଉଠିଛି । ପୋଲିସର କାର୍ଯ୍ୟାନୁଷ୍ଠାନ ଉପରେ ପ୍ରଶ୍ନ ଉଠାଇ ଆଇନଜୀବୀ ଜିଏସ୍ ମଣି ଓ ପ୍ରଦୀପ ଯାଦବ ସୁପ୍ରିମକୋର୍ଟରେ ମାମଲା ଦାଏର କରିଛନ୍ତି ।

ହାଇଦ୍ରାବାଦ ପୋଲିସ ନେଲା ଡିସିସନ୍ ଅନ୍ ସ୍ପଷ୍ଟ, ସଜ୍ଜନରଙ୍କୁ ଚାରିଆଡ଼ୁ ଶୁଭେଚ୍ଛା

ଦାଏର ମାମଲାରେ କୁହାଯାଇଛି, ହାଇଦ୍ରାବାଦ ପୋଲିସ ୨୦୧୪ରେ ଦିଆଯାଇଥିବା ନିର୍ଦ୍ଦେଶ ପାଳନ କରିନାହିଁ । ଏନକାଉଣ୍ଟରରେ ସମ୍ପୃକ୍ତ ପୋଲିସ କର୍ମଚାରୀଙ୍କ ବିରୋଧରେ ଏଫଆଇଆର ରୁଜୁ ସହ ଯାଞ୍ଚ ଦାବି ହୋଇଛି । ଏହି ମାମଲାର ଶୁଣାଣି ସୁପ୍ରିମକୋର୍ଟ ସୋମବାର କରିବେ ।

ହାଇଦ୍ରାବାଦ ଡାକ୍ତରାଣୀ ଗଣଦୁଷ୍କର୍ମକାରୀଙ୍କୁ ଗୁଳି କଲା ପୋଲିସ

ଏଥିସହ ପୋଲିସର ଏନକାଉଣ୍ଟରକୁ ସମର୍ଥନକାରୀଙ୍କ ଅନ୍ୟ ଏକ ଆବେଦନ କରାଯାଇଛି । ସମର୍ଥନକୁ ବିରୋଧ କରି ମନୋହର ଲାଲ ଶର୍ମା ଆବେଦନ କରିଛନ୍ତି । ଏଥିରେ ସମାଜବାଦୀ ପାର୍ଟି ଜୟା ବଚ୍ଚନ ଓ ଦିଲ୍ଲୀ ମହିଳା ଆୟୋଗ ଅଧ୍ୟକ୍ଷା ସ୍ୱାତୀ ମଲିୱାଲଙ୍କୁ ପକ୍ଷଭୁକ୍ତ କରାଯାଇଛି ।

ଡାକିନେଲେ ଡାକ୍ତରାଣୀ; ଯେଉଁଠି ନେଇଥିଲେ ଜୀବନ, ସେଇଠି ଗଲା ୪ ଜଣଙ୍କ ଜୀବନ

ଶୁକ୍ରବାର ଭୋରରେ ହାଇଦ୍ରାବାଦ ପୋଲିସ ୪ ଅଭିଯୁକ୍ତଙ୍କୁ ଘଟଣାସ୍ଥଳକୁ ଡେମୋ ପାଇଁ ନେଇଥିଲା । ସିନ୍-ରିକ୍ରିଏସନ୍ ବେଳେ ଅଭିଯୁକ୍ତମାନେ ପୋଲିସ ଠାରୁ ଅସ୍ତ୍ରଶସ୍ତ୍ର ଛଡ଼ାଇବା ସହ ଖସିଯିବାକୁ ଉଦ୍ୟମ କରିଥିଲେ । ପୋଲିସ ଆତ୍ମରକ୍ଷା କରିବାକୁ ଯାଇ ୪ ଅଭିଯୁକ୍ତଙ୍କୁ ଗୁଳି କରିଥିଲା । ଯାହାକୁ ସାରାଦେଶରୁ ସମର୍ଥନ ମିଳିଥିଲା ।