ବ୍ରଜରାଜନଗର ବିଜୟ: ବିଜେଡି କାର୍ଯ୍ୟାଳୟରେ ଉତ୍ସବମୁଖର

ଭୁବନେଶ୍ୱର: ବ୍ରଜରାଜନଗର ଉପନିର୍ବାଚନରେ ବିଜେଡିର ବିପୁଳ ବିଜୟ ପରେ ଉତ୍ସବମୁଖର ହୋଇଛି ବିଜେଡି କାର୍ଯ୍ୟାଳୟ । ଦଳୀୟ କର୍ମୀ, ବିଧାୟକ ଓ ନେତା ପାଳନ କରୁଛନ୍ତି ବିଜୟ ଉତ୍ସବ । ବିକାଶ ସହ ଯୋଡ଼ି ହୋଇଛନ୍ତି ବ୍ରଜରାଜନଗରବାସୀ । ମିଛ ରାଜନୀତି ଓ ମିଛ ପ୍ରଚାରକୁ ପ୍ରତ୍ୟାଖ୍ୟାନ କରି ବିଜେଡି ପ୍ରାର୍ଥୀ ଅଳକା ମହାନ୍ତିଙ୍କୁ ବିପୁଳ ଭୋଟରେ ଜିତାଇଛନ୍ତି ଜନତା। ଭୁବନେଶ୍ବର ବିଜେଡି କାର୍ଯ୍ୟାଳୟରେ ବିଧାୟକ, ସମେତ ନେତା ଓ କର୍ମୀମାନେ ବିଜୟ ଉତ୍ସବ ପାଳନ କରୁଛନ୍ତି ।

ଦିନେ ବାମପନ୍ଥୀ ଗଡ଼ ଥିବା ବ୍ରଜରାଜନଗରରେ ସିପିଆଇ ପ୍ରାର୍ଥୀ ରମେଶ ତ୍ରିପାଠୀ ମାତ୍ର ୩ ହଜାର ୯୬ଟି ଭୋଟ୍‌ ପାଇଛନ୍ତି । ୭ ଜଣ ସ୍ବାଧୀନ ପ୍ରାର୍ଥୀଙ୍କ ମଧ୍ୟରୁ ଆଦିତ୍ୟ ପ୍ରଧାନ ସର୍ବାଧିକ ୧୮ଶହ ୮୪ ଖଣ୍ଡ ଭୋଟ ପାଇଥିବା ବେଳେ ଏହା ତଳକୁ ନୋଟାରେ ପଡ଼ିଛି ୧୫ ଶହ ୧୧ଖଣ୍ଡ ଭୋଟ । ୨୦୧୯ରେ ବିଜେପିକୁ ୬୮ହଜାରରୁ ଅଧିକ ଭୋଟ ମିଳିଥିବା ବେଳେ ଏଥର ଦଳ ତିନି ନମ୍ବର ସ୍ଥାନକୁ ଖସିଛି । ପରାଜୟକୁ ବିଜେପି ସ୍ବୀକାର କରିଥିବା ବେଳେ ୨ ନମ୍ବର ସ୍ଥାନକୁ ଉଠିଥିବା କଂଗ୍ରେସ ଶିବିର ଉତ୍ସାହିତ ହୋଇଛି ।