ଲଗାଣ ବର୍ଷାରେ ଧସିଲା ରାସ୍ତାର ଗୋଟିଏ ପାର୍ଶ୍ୱ

ଚଣ୍ଡିଖୋଲ: ଲଗାଣ ବର୍ଷାରେ ରାସ୍ତା ଧସିଲା । ଯାଜପୁର ଜିଲ୍ଲା ଧର୍ମଶାଳା ବ୍ଲକ କଣ୍ଟିଗଡ଼ିଆ ଠାରେ ରାସ୍ତା ଧସିଛି । ଲଘୁଚାପ ଜନିତ ଲଗାଣ ବର୍ଷା ପାଣି ରାସ୍ତାକଡ଼ ଜମିରେ ଜମି ରହିଥିଲା । ବର୍ଷା ଜଳ କଲର୍ଭଟ ମାଧ୍ୟମରେ ନିଷ୍କାସନ ହେଉଥିବା ବେଳେ ରାସ୍ତା ଗୋଟିଏ ପାର୍ଶ୍ୱ ଧସିଛି ।

୫୩ ନମ୍ବର ଜାତୀୟ ରାଜପଥରୁ କଣ୍ଟିଗଡ଼ିଆ ଗ୍ରାମକୁ ଯାଇଥିବା ରାସ୍ତା ଧସିଛି । ଏହି ରାସ୍ତା ଉପରେ ୪ଟି ପଞ୍ଚାୟତର ଲୋକ ନିର୍ଭର କରିଥାନ୍ତି । ରାସ୍ତାର ଗୋଟିଏ ପାର୍ଶ୍ୱ ଧସି ବଡ଼ ଗର୍ତ୍ତ ସୃଷ୍ଟି ହୋଇଥିବାରୁ ଗମନାଗମନ ସମସ୍ୟା ସୃଷ୍ଟି ହୋଇଛି ।