ରଣବୀର କପୁରଙ୍କ ଜନ୍ମଦିନରେ ନିର୍ମାତା ସେୟାର କଲେ ‘ଆନିମଲ’ର ଟିଜର

ନନ୍ଦିଘୋଷ ବ୍ୟୁରୋ : ବଲିଉଡ ଅଭିନେତା ରଣବୀର କପୁରଙ୍କ ଜନ୍ମଦିନ ଅବସରରେ ଚଳଚିତ୍ର ‘ଆନିମଲ’ର ନିର୍ମାତା ପ୍ରଶଂସକଙ୍କ ପାଇଁ ଏକ ଖୁସି ଖବର ସେୟାର କରିଛନ୍ତି। ନିର୍ମାତା ଚଳଚିତ୍ର ‘ଆନିମଲ’ର ଟିଜର ରିଲିଜ କରିଛନ୍ତି । ପୂର୍ବରୁ ‘ଆନିମଲ’ର ପୋଷ୍ଟର ଦେଖିବା ପରେ ଫିଲ୍ମଟି ଦମଦାର ହେବ ବୋଲି ଆକଳନ କରାଯାଇଥିଲା । କିନ୍ତୁ ଏହି ଟିଜର ଦେଖିବା ପରେ ପ୍ରଶଂସକଙ୍କ ଆଶାକୁ ଦ୍ୱିଗୁଣିତ କରିଛି | ବଲିଉଡ ଅଭିନେତା ରଣବୀର କପୁର ତାଙ୍କ ଆଗାମୀ ଚଳଚ୍ଚିତ୍ର ଆନିମଲ ବିଷୟରେ ଦୀର୍ଘ ସମୟ ଧରି ଚର୍ଚ୍ଚାରେ ଥିଲେ। ଆଜି ରଣବୀରଙ୍କ ଜନ୍ମଦିନ ଏବଂ ଏହି ବିଶେଷ ଦିନରେ ‘ଆନିମଲ’ର ନିର୍ମାତା ଫିଲ୍ମର ଟିଜର ସେୟାର କରିଛନ୍ତି। ଟିଜର ପୂର୍ବରୁ ନିର୍ମାତା ଷ୍ଟାର କାଷ୍ଟର ପ୍ରଥମ ଲୁକ୍ ପୋଷ୍ଟର ରିଲିଜ୍ କରିଥିଲେ | ଯାହା ଦେଖିବା ପରେ ପ୍ରଶଂସକଙ୍କ ଉତ୍ସାହ ଦ୍ୱିଗୁଣିତ ହୋଇଥିଲା କିନ୍ତୁ ବର୍ତ୍ତମାନ ଟିଜର ରିଲିଜ ହେବା ପରେ ପ୍ରଶଂସକଙ୍କ ପାଇଁ ଫିଲ୍ମ ରିଲିଜକୁ ଅପେକ୍ଷା କରିବା କଷ୍ଟସାଧ୍ୟ ହୋଇପଡ଼ିଛି | ଏଥିରେ କୌଣସି ସନ୍ଦେହ ନାହିଁ ଯେ ଫିଲ୍ମର ଟିଜର ବହୁତ ଦମଦାର ଏବଂ ରୋମାଞ୍ଚକର ଅଟେ | ଅନୀଲ କପୁର ଏବଂ ରଣବୀର କପୁର ପିତା ଏବଂ ପୁଅଙ୍କ ଚରିତ୍ରରେ ନଜର ଆସିଛନ୍ତି। ଯେଉଁଠାରେ ଅନିଲ ତାଙ୍କ ପୁଅକୁ ନେଇ ବହୁତ ନିରାଶ ମନେ ହେଉଛନ୍ତି |

ଟିଜର ଆରମ୍ଭରେ ରଣବୀର କପୁର ରଶ୍ମିକା ମନ୍ଦାନା ଯୋଡ଼ି ଦର୍ଶକଙ୍କ ନଜରକୁ ଆସିଛି । କାହାଣୀଟି ଟିଜରରେ ଫ୍ଲାସବ୍ୟାକ୍ ରେ ମଧ୍ୟ ପ୍ରଦର୍ଶିତ ହୋଇଛି | ଯେଉଁଠାରେ ଅନିଲ ତାଙ୍କ ପୁଅକୁ ଗୋଟିଏ ପରେ ଗୋଟିଏ ଜୋରରେ ଚାପୁଡ଼ା ମାରିଥିବାର ନଜର ଆସିଛନ୍ତି। କାହାଣୀଟି ପିତା-ପୁତ୍ର ସମ୍ପର୍କ ଏବଂ ପ୍ରତିଶୋଧ ଉପରେ ଆଧାରିତ ମନେହୁଏ | ତଥାପି, ପ୍ରତ୍ୟେକ ଦର୍ଶଲକଙ୍କ ଆଶା ଅଛି ଯେ କାହାଣୀରେ ଏକ ମୋଡ଼ ଆସିବ | କାରଣ ଏହା କେବଳ ଏକ ଟିଜର, ସମ୍ପୂର୍ଣ୍ଣ କାହାଣୀ ଏପର୍ଯ୍ୟନ୍ତ ନଜରକୁ ଆସିନାହିଁ | ରଣବୀର କପୁର, ଅନିଲ କପୁର ଏବଂ ରଶ୍ମିକାଙ୍କ ବ୍ୟତୀତ ବବି ଦେଓଲ ମଧ୍ୟ ଏହି ଫିଲ୍ମରେ ଏକ ପ୍ରମୁଖ ଭୂମିକା ଗ୍ରହଣ କରିବେ ଏବଂ ଟିଜର ଦେଖିବା ପରେ ଏହା ଅନୁମାନ କରାଯାଇପାରେ। ଆନିମଲର ଟିଜରର ଶେଷରେ ବବି ଦେଓଲଙ୍କ ଏଣ୍ଟ୍ରି ଅଛି | ବବି ଦେଓଲ ୮ ସେକେଣ୍ଡ ମଧ୍ୟରେ ନିଜର ଚିହ୍ନ ଛାଡିଥିବାର ନଜର ଆସିଛନ୍ତି | ଅନ୍ୟପଟେ ଫିଲ୍ମ ପ୍ରମୋସନ ପାଇଁ ରଣବୀର କପୁର ସୋରଭ ଗାଙ୍ଗୁଲିଙ୍କ ସହ କ୍ରିକେଟ୍ ମ୍ୟାଚ୍ ଖେଳିଥିବାର ନଜର ଆସିଥିଲେ ।