‘ମଙ୍ଗଳ ଓ ଚନ୍ଦ୍ରରେ ପାଳଙ୍ଗ ଟମାଟୋ, ମୂଳା ଚାଷ ହୋଇପାରିବ’

1 min read

ମଙ୍ଗଳ ଗ୍ରହ ଏବଂ ଚନ୍ଦ୍ରରେ ପାଳଙ୍ଗ, ଟମାଟୋ, ମୂଳା ଭଳି ଫସଲ କରାଯାଇପାରିବ । ନାସାର ବୈଜ୍ଞାନିକ ମାନେ ଏହା ଦାବି କରିଛନ୍ତି । ବୈଜ୍ଞାନିକମାନେ କୃତ୍ରିମ ଉପାୟରେ ମଙ୍ଗଳ ଗ୍ରହ ଏବଂ ଚନ୍ଦ୍ର ଭଳି ବାତାବରଣ ଓ ମାଟି ପ୍ରସ୍ତୁତ କରି ସେଥିର ଫସଲ ଅମଳ କରିବାରେ ସଫଳତା ହାସଲ କରିଛନ୍ତି । ସେମାନେ କହିଛନ୍ତି, ଯଗି ଭବିଷ୍ୟତରେ ଲୋହିତ ଗ୍ରହ ମଙ୍ଗଳ ଏବଂ ଚନ୍ଦ୍ରରେ ମଣିଷ ବସତି ସ୍ଥାପନ କରେ, ତେବେ ସେଠାରେ ଖାଦ୍ୟ ପଦାର୍ଥ ଅମଳ କରାଯାଇ ପାରିବ ।

ନେଦରଲାଣ୍ଡର ୱାଗେନିଙ୍ଗେନ ବିଶ୍ୱବିଦ୍ୟାଳୟର ଗବେଷକମାନେ କହିଛନ୍ତି ଯେ, ମଙ୍ଗଳ ଓ ଚନ୍ଦ୍ରରେ ଫସଲ ଅମଳ କରାଗଲେ ବି ସେଥିରୁ ମଞ୍ଜି ଉତ୍ପାଦନ କରାଯିବାର ସମ୍ଭାବନା ରହିଛି । ଫଳରେ ନୂଆ ଫସଲ କରାଯାଇ ପାରିବ । ବୈଜ୍ଞାନିକମାନେ ପାଳଙ୍ଗ, ମୂଳା, ଟମାଟୋ, ମଟର ଏବଂ ହଲିମ ଭଳି ୧୦ଟି ଅଲଗା ପ୍ରକାରର ଫସଲ ଅମଳ କରିଛନ୍ତି । ବିଶ୍ୱବିଦ୍ୟାଳୟର ୱିଗର ମେଲିଲ୍ କହିଛନ୍ତି, ଯେତେବେଳେ  ଆମେ କୃତ୍ରିମ ଉପାୟରେ ପ୍ରସ୍ତୁତ କରାଯାଇଥିବା ମଙ୍ଗଳ ଗ୍ରହର ମାଟିରେ ଅମଳ ଟମାଟୋର ରଙ୍ଗ ଲାଲ ହେବାର ଦେଖିଲୁ, ସେତେବେଳେ ଉତ୍ସାହିତ ହୋଇପଡ଼ିଲୁ । ବୈଜ୍ଞାନିକ ମାନେ ମଙ୍ଗଳ ଗ୍ରହ ଏବଂ ଚନ୍ଦ୍ର ପୃଷ୍ଠର ଉପରିଭାଗରୁ ସଂଗୃହୀତ ମାଟିରେ ସାମାନ୍ୟ ସାଧାରଣ ମାଟି ମିଶାଇ କୃତ୍ରିମ ରୂପରେ ମାଟି ପ୍ରସ୍ତୁତ କରିଥିଲେ । ')}

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.