କୈବର୍ତ୍ତ ଭବନ ପ୍ରଥମ ମହଲାର ଭିତ୍ତିପ୍ରସ୍ତର ସ୍ଥାପନ କଲେ ମନ୍ତ୍ରୀ ତୁଷାରକାନ୍ତି

1 min read

ଭୁବନେଶ୍ୱର: ନୟାପଲ୍ଲୀ ସ୍ଥିତ କୈବର୍ତ୍ତ ମହାସଭା ଭବନର ପ୍ରଥମ ମହଲାର ଭିତ୍ତିପ୍ରସ୍ତର ସ୍ଥାପନ କରିଛନ୍ତି ମନ୍ତ୍ରୀ ତୁଷାରକାନ୍ତି ବେହେରା । ଆଜି ପୂର୍ବାହ୍ନରେ ମନ୍ତ୍ରୀ ଶ୍ରୀ ବେହେରା, ପୂର୍ବତନ ମନ୍ତ୍ରୀ ତଥା କୈବର୍ତ୍ତ ମହାସଭାର ସଭାପତି ଯୋଗେନ୍ଦ୍ର ବେହେରା, କାର୍ଯ୍ୟକାରୀ ସଭାପତି ମନୋଜ କୁମାର ବେହେରାଙ୍କ ଉପସ୍ଥିତିରେ ଏହି ଭବନର ପ୍ରଥମ ମହଲାର ଭିତ୍ତି ପ୍ରସ୍ତର ସ୍ଥାପନ କରିଛନ୍ତି ।

କୈବର୍ତ୍ତ ମହାସଭାର କାର୍ଯ୍ୟଧାରାକୁ ପ୍ରଶଂସା କରିବା ସହ ଆଗାମୀ ଦିନରେ କୈବର୍ତ୍ତ ମାନଙ୍କ ସାମାଜିକ, ଆର୍ଥିକ ଓ ସାଂସ୍କୃତିକ ବିକାଶରେ ମହାସଭା ଅଧିକ କାର୍ଯ୍ୟକରି ଅନ୍ୟ ସଂଗଠକ ମାନଙ୍କ ଲାଗି ଉଦାହରଣ ସୃଷ୍ଟି କରିବ ବୋଲି ମନ୍ତ୍ରୀ ଶ୍ରୀ ବେହେରା ପ୍ରକାଶ କରିଛନ୍ତି। ଏହି ଅବସରରେ ଅନ୍ୟମାନଙ୍କ ମଧ୍ୟରେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା, ମହାସଭାର ପ୍ରମୁଖ ସଚିବ ପାଣ୍ଡବ ବେହେରା ଏବଂ ମୁଖ୍ୟ ଉପଦେଷ୍ଟା ଭାଗିରଥି ବେହେରା ପ୍ରମୁଖ ଉପସ୍ଥିତ ଥିଲେ ।

[DISPLAY_ULTIMATE_SOCIAL_ICONS]