ଭୁବନେଶ୍ୱର: ରାଜ୍ୟରେ ଅର୍ବାନ ଡେଭଲପମେଣ୍ଟ ପାଇଁ ରାଜ୍ୟ ସରକାର ସ୍ୱତନ୍ତ୍ର ମାଷ୍ଟର ପ୍ଲାନ୍ ପ୍ରସ୍ତୁତ କରିଛନ୍ତି। ବସ୍ତି ଗୁଡିକରେ କେବଳ ଲାଇଟ୍ , ପାଣି କିମ୍ବା ଜାଗା ମିଶନରେ ଜାଗା ନୁହଁ ବରଂ ବସ୍ତିବାସିନ୍ଦାଙ୍କ ସ୍କିଲ ଡେଭଲପମେଣ୍ଟ ପାଇଁ ବିଭିନ୍ନ କାର୍ଯ୍ୟକ୍ରମ ହାତକୁ ନେଇଛନ୍ତି ରାଜ୍ୟସରକାର। ସେମାନଙ୍କ ରୋଜଗାର ବଢ଼ାଇବା ପାଇଁ ରାଜ୍ୟ ସରକାର ଚେଷ୍ଟା କରୁଛନ୍ତି।
ଆଜି ସ୍ୱାୟତ୍ତ ଶାସନ ଦିବସ ଅବସରରେ ପାରାଦୀପ ଗ୍ରସ୍ତରେ ଆସିଥିବା ଗୃହ ଓ ନଗର ଉନ୍ନୟନ ବିଭାଗର ଯୁଗ୍ମ ସଚିବ ସାରଦା ପ୍ରସାଦ ପଣ୍ଡା ଏହା ପ୍ରକାଶ କରିଛନ୍ତି । ଏବେ ମହିଳା ଗୃପ ମାନଙ୍କ ଦ୍ଵାରା ବିଭିନ୍ନ ପ୍ରକଳ୍ପ କାର୍ଯ୍ୟ କରାଯିବା ସହିତ ବିଭିନ୍ନ ସଚେତନତା କାର୍ଯ୍ୟକ୍ରମ ମଧ୍ୟ ସେମାନେ ଆୟୋଜନ କରିବା ପାଇଁ ସେମାନଙ୍କୁ ସିଧାସଳଖ ପ୍ରୋତ୍ସାହିତ କରାଯାଉଛି। ଏହାଦ୍ୱାରା ପରିବାରର ଆର୍ଥିକ ଅବସ୍ଥା ସୁଧାରିବା ସହିତ ସ୍ଥାନୀୟ ଅଞ୍ଚଳର ବିକାଶ ମଧ୍ୟ ହୋଇପାରିବ । ଓଡ଼ିଶାର ଅର୍ବାନ ଅଞ୍ଚଳର ଡେଭଲପ ସହିତ ସ୍ଥାନୀୟ ଲୋକଙ୍କ ଆର୍ଥିକ ଅଭିବୃଦ୍ଧି ପ୍ରତି ବିଶେଷ ଧ୍ୟାନ ମୁଖ୍ୟମନ୍ତ୍ରୀ ଦେଇଥିବା କହିଛନ୍ତି ସାରଦା ପ୍ରସାଦ ପଣ୍ଡା ।
