କୋଇଲା ରୟାଲଟି ସଂଶୋଧନ ଓ ସେସ୍ ବୃଦ୍ଧି ଦାବି ରଖିବ ଓଡ଼ିଶା

ଭୁବନେଶ୍ୱର: ଇସ୍ପାତ ଓ ଖଣି ବିଭାଗର ବିଧାନସଭା ଷ୍ଟାଣ୍ଡିଂ କମିଟିରେ ଉଠିଲା କେନ୍ଦ୍ର ଅବହେଳା ପ୍ରସଙ୍ଗ । କୋଇଲା ରୟାଲଟି ସଂଶୋଧନ ଓ ସେସ୍ ବୃଦ୍ଧି ନେଇ କେନ୍ଦ୍ର ନିକଟରେ ଦାବି ରଖିବ ରାଜ୍ୟ । କୋଇଲା ସେସ୍ ୨୦ ପ୍ରତିଶତକୁ ବୃଦ୍ଧି ନେଇ ରାଜ୍ୟ ଦୀର୍ଘ ଦିନ ଧରି ଦାବି କରି ଆସୁଛି । ହେଲେ କେନ୍ଦ୍ର ଶୁଣୁନଥିବାରୁ ଏହାର ପ୍ରତିବାଦ କରିଛି ରାଜ୍ୟ ।

କୋଇଲା ଉତ୍ତୋଳନ ଓ ପ୍ରଦୂଷଣ ରାଜ୍ୟ ସହୁଛି । ଏପରି ସ୍ଥିତିରେ କେନ୍ଦ୍ର ସେସ୍ ବୃଦ୍ଧି ନକରିବା ରାଜ୍ୟ ପ୍ରତି ବୈମାତୃକ ମନୋଭାବ ବୋଲି ଷ୍ଟାଣ୍ଡିଂ କମିଟି କହିଛି । କେନ୍ଦ୍ର ଦାବି ନଶୁଣିଲେ ରାଜ୍ୟ ଏହାର ତୀବ୍ର ପ୍ରତିବାଦ କରିବ ବୋଲି ଷ୍ଟାଣ୍ଡିଂ କମିଟି ସଦସ୍ୟ ଶଶିଭୂଷଣ ବେହେରା କହିଛନ୍ତି ।