୧୭ ପରିବାର ପାଇଁ ଘର ଭଡ଼ା ଛାଡ଼ କଲେ ରଘୁନାଥ
କଟକ: ଲକ୍ଡାଉନ୍ ପାଇଁ ସାରା ଦେଶ ଏବେ ଡହଳ ବିକଳ । କୋରୋନା ଆକ୍ରମଣରୁ ଦେଶକୁ ରକ୍ଷା କରିବା ପାଇଁ ସରକାର ଏହି ଲକ୍ଡାଉନ୍ ଘୋଷଣା କରିଛନ୍ତି । ହେଲେ ଏହି ଲକ୍ଡାଉନ୍ ଏବେ ଲୋକଙ୍କ ପାଇଁ ବିପଦ ଆଣି ଦେଇଛି । ଦିନ ମଜୁରିଆଙ୍କ ପାଇଁ ଏବେ ଏହା ଚିନ୍ତାର ବିଷୟ ପାଲଟିଛି । ପ୍ରାୟ ମାସେରୁ ଅଧିକ ସମୟ ହେବ ଲକ୍ଡାଉନ୍ ଚାଲିଛି । ତେଣୁ ଲୋକମାନେ ଘରେ ବସି ରହିଛନ୍ତି । ଘରେ ଯାହା ସଞ୍ଚିତ ଧନ ଥିଲା ତାହା ଏବେ ଶେଷ ହେବାକୁ ବସିଲାଣି । ସେମାନଙ୍କ ପାଇଁ ଦୁଇ ଓଳି ଦୁଇ ମୁଠା ଖାଇବା ଏବେ କଷ୍ଟ ସାଧ୍ୟ ହୋଇପଡ଼ିଥିବା ବେଳେ ଘର ଭଡ଼ା କେମିତି ଦେବେ ତାହା ଚିନ୍ତାର ବିଷୟ ପାଲଟିଛି ।
ତେବେ ଏହିଭଳି ଘଡ଼ି ସନ୍ଧି ମୂହୁର୍ତ୍ତରେ ନିଜର ଉଦାର ପଣିଆ ଦେଖାଇଛନ୍ତି କଟକ ରୋଭର୍ସଷ୍ଟ୍ରୀଟ୍ ଅଂଚଳର ରଘୁନାଥ ଦତ୍ତ । ସେ ପ୍ରାୟ ୧୭ ଜଣ ପରିବାରକୁ ଘର ଭଡା ଛାଡ଼ କରି ମାନବିକତାର ପରିଚୟ ଦେଇଛନ୍ତି । ଖାଲି ସେତିକି ନୁହେଁ ସେହି ଖଟିଖିଆ ଗରିବଙ୍କ ପାଇଁ ଦୁଇ ଓଳା ଜଳଖିଆ ମଧ୍ୟ ଦେଉଛନ୍ତି ।
ରଘୁନାଥଙ୍କ ଏହି ପଦକ୍ଷେପକୁ ନେଇ ଭଡ଼ାରେ ରହୁଥିବା ସମସ୍ତ ପରିବାର ବେଶ ଖୁସି ବ୍ୟକ୍ତ କରିଛନ୍ତି । ସେଡଇ ୧୭ ପରିବାର ମଧ୍ୟରୁ କିଏ ଦିନ ମଜୁରିଆ ତ କିଏ ବଣିଆ ଓ କିଏ ପରଘରେ କାମ କରି ଗୁଜୁରାଣ ମେଣ୍ଟାନ୍ତି ।
