ଆଜିଠୁ ଏକକ ପିଜି ପ୍ରବେଶିକା ପରୀକ୍ଷା ପାଇଁ ଆବେଦନ, ୨୦ ତାରିଖରୁ ମିଳିବ ଆଡମିଟ କାର୍ଡ
1 min read
ଭୁବନେଶ୍ୱର: ଆଜିଠୁ ଏକକ ପିଜି ପ୍ରବେଶିକା ପରୀକ୍ଷା ପାଇଁ ଆବେଦନ ଆରମ୍ଭ । SAMS ଜରିଆରେ ଆବେଦନ କରିପାରିବେ ଛାତ୍ରଛାତ୍ରା । ଏଥିପାଇଁ ଶେଷ ତାରିଖ ରହିଛି ଜୁଲାଇ ୧୨ । ଜୁଲାଇ ୧୩ ଓ ୧୪ ତାରିଖରେ ଆବେଦନ ଦରଖାସ୍ତରେ ଆବଶ୍ୟକ ସଂଶୋଧନ କରାଯାଇପାରିବ । ଜୁଲାଇ ୨୦ ତାରିଖରୁ ଆଡମିଟ କାର୍ଡ ପାଇପାରିବେ ଛାତ୍ରଛାତ୍ରା । ଅଗଷ୍ଟ ୧ ତାରିଖରୁ ୧୩ ତାରିଖ ମଧ୍ୟରେ ସବୁ ବିଷୟ ପାଇଁ ପ୍ରବେଶିକା ପରୀକ୍ଷା କରାଯିବ । ଅଗଷ୍ଟ ୨୫ ତାରିଖରେ ମେରିଟ୍ ଲିଷ୍ଟ ପ୍ରକାଶ ପାଇବ।
ସେହି ମାସ ୩୦ ତାରିଖ ସୁଦ୍ଧା ଚଏସ୍ ଫିଲିଂ ଓ ସେପ୍ଟେମ୍ବର ୫ ତାରିଖରେ ସିଟ୍ ଆଲଟମେଣ୍ଟ କରାଯିବ । ସେପ୍ଟେମ୍ବର ୬ ଓ ୭ ତାରିଖରେ ପ୍ରଥମ ପର୍ଯ୍ୟାୟ ନାମଲେଖା ହେବ। ୧୩ ତାରିଖରେ ଦ୍ୱିତୀୟ ପର୍ଯ୍ୟାୟ ପ୍ରୋଭିଜନାଲ ସିଟ୍ ଆଲଟମେଣ୍ଟ କରାଯିବ। ଏହାପରେ ଦ୍ୱିତୀୟ ପର୍ଯ୍ୟାୟ ନାମଲେଖା ହେବ । ସେପ୍ଟେମ୍ବର ୨୦ରେ ଖାଲି ସିଟ୍ ନେଇ ତଥ୍ୟ ଆସିବା ପରେ ୨୩ ତାରିଖରେ ପ୍ରକାଶ ପାଇବ ସ୍ପଟ ମେରିଟ୍ ଲିଷ୍ଟ । ପରେ ୨୬ ତାରିଖ ପର୍ଯ୍ୟନ୍ତ ସ୍ପଟ୍ ଆଡମିଶନ କରାଯିବ ।
