ମହାପ୍ରଭୁଙ୍କ ନୀଳାଦ୍ରି ବିଜେରେ ହେବନି ଆତସବାଜି, କେବଳ ଝୁରୁଝୁରିକୁ ଅନୁମତି

ପୁରୀ: ଆଜି ମହାପ୍ରଭୁଙ୍କ ନୀଳାଦ୍ରି ବିଜେ ନୀତି ଅନୁଷ୍ଠିତ ହେବ । ନବ ଦିନାତ୍ମକ ଯାତ୍ରା ସାରି ରତ୍ନସିଂହାସନକୁ ଫେରିବେ ଶ୍ରୀଜିଉ । ଏଥିପାଇଁ ଆଜି ଆତସବାଜି ହେବନି । ଏ ନେଇ ପରିଚାଳନା କମିଟିରେ ନିଷ୍ପତ୍ତି ହୋଇଛି । କେବଳ ଝୁରୁଝୁରି ବାଣ ପାଇଁ ଅନୁମତି ଦିଆଯାଇଛି । ଝୁରୁଝୁରି ଫୁଟିବା ସମୟରେ ବି ଉପସ୍ଥିତ ରହିବେ ଅଗ୍ନିଶମ ଅଧିକାରୀ ।

ଅତି ସତର୍କତାର ସହ ଝୁରୁଝୁରି ବାଣ ଫୁଟିବା ନେଇ କହିଛନ୍ତି ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ବାଇଁ । ଶ୍ରୀଗୁଣ୍ଡିଚା ସମୟରେ ବି ବାଣ ଫୁଟାଇବା ପାଇଁ ବାଣ ଆସିଥିଲା । ହେଲେ ଏହା ପ୍ରଶାସନ ଦୃଷ୍ଟିକୁ ଆସିବା ପରେ ଏହାକୁ ବନ୍ଦ କରାଯାଇଥିଲା ।