୨୦୨୪ ଲାଗି ମେଗାପ୍ଲାନ; ଉଦ୍ଧବଙ୍କୁ ଭେଟିଲ ନୀତୀଶ କୁମାର ଓ ତେଜସ୍ବୀ ଯାଦବ

ମୁମ୍ବାଇ : ୨୦୨୪ ଲାଗି ମେଗାପ୍ଲାନ । ମୁମ୍ବାଇରେ ଶିବସେନା ନେତା ଉଦ୍ଧବ ଠାକରେଙ୍କୁ ଭେଟିଛନ୍ତି ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଓ ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବ । ତିନି ନେତାଙ୍କ ମଧ୍ୟରେ ବିଭିନ୍ନ ପ୍ରସଙ୍ଗରେ ହୋଇଛି ଗୁରୁତ୍ବପୂର୍ଣ୍ଣ ଆଲୋଚନା । ଆଜି ପୂର୍ବାହ୍ନରେ ସେମାନେ ଉଦ୍ଧବଙ୍କୁ ତାଙ୍କ ବାସଭବନ ମାତୋଶ୍ରୀରେ ଭେଟିଛନ୍ତି ।

୨୦୨୪ ଲୋକସଭା ନିର୍ବାଚନ ପୂର୍ବରୁ ବିରୋଧୀ ଦଳ ମଧ୍ୟରେ ଏକ ମେଣ୍ଟ ଗଠନ ଲାଗି ନୀତୀଶଙ୍କ ନେତୃତ୍ବରେ ଚାଲିଥିବା ଉଦ୍ୟମ କ୍ରମଶଃ ଦାନା ବାନ୍ଧିବାରେ ଲାଗିଛି । ସନ୍ଧ୍ୟାରେ ନ୍ୟାସନାଲିଷ୍ଟ କଂଗ୍ରେସ ପାର୍ଟି ସଭାପତି ଶରଦ ପାଓ୍ବାରଙ୍କୁ ଭେଟିବେ ନୀତୀଶ ଓ ତେଜସ୍ବୀ । ଗତବର୍ଷ ବିହାରରେ ବିଜେପି ସହ ସମ୍ପର୍କ ଛିନ୍ନ କରିବା ପରେ ଜାତୀୟ ସ୍ତରରେ ଏକ ବିଜେପି ବିରୋଧୀ ମେଣ୍ଟ ଗଠନ ଲାଗି ଜୋରଦାର ଉଦ୍ୟମ ଚାଲିଛି । ପୂର୍ବରୁ ନୀତୀଶଙ୍କ ସହ ୧୧ ତାରିଖରେ ଭେଟଘାଟ କାର୍ଯ୍ୟକ୍ରମ ରହିଛି ବୋଲି ସୂଚନା ଦେଇଥିଲେ ପାଓ୍ବାର । ଗତମାସ ୨୪ ତାରିଖରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ବି ଭେଟିଥିଲେ ନୀତୀଶ ଓ ତେଜସ୍ବୀ ।