BIHAR POLLS: ଅଧଘଣ୍ଟାରେ ସରିଲା ଆଲୋଚନା, ହୋଇପାରିଲାନି ଆସନ ବୁଝାମଣା
ପାଟଣା: ବିହାର ବିଧାନସଭା ନିର୍ବାଚନ ନେଇ ଆରମ୍ଭ ହୋଇସାରିଛି ପ୍ରସ୍ତୁତି । ଏହି ପରିପ୍ରେକ୍ଷୀରେ ଆସନ ଭାଗବଣ୍ଟା ନେଇ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜଗତ୍ ପ୍ରକାଶ ନଡ୍ଡା ଏବଂ ଏନଡିଏର ଅନ୍ୟ ସହଯୋଗୀ ଦଳଙ୍କ ସହ ଆଲୋଚନା କରିଛନ୍ତି । ନଡ୍ଡାଙ୍କ ସହିତ ବିହାର ଉପ ମୁଖ୍ୟମନ୍ତ୍ରୀ ସୁଶୀଲ କୁମାର ମୋଦି, ଜାତୀୟ ସାଧାରଣ ସମ୍ପାଦକ ତଥା ରାଜ୍ୟ ଦାୟିତ୍ୱରେ ଥିବା ଭୂପେନ୍ଦ୍ର ଯାଦବ ଏବଂ ରାଜ୍ୟ ବିଜେପି ସଭାପତି ସଞ୍ଜୟ ଜୈସଓ୍ୱାଲ ନୀତିଶଙ୍କ ଡାକରରେ ତାଙ୍କ ବାସଭବନରେ ଅନୁଷ୍ଠିତ ବୈଠକରେ ଯୋଗଦେଇଥିଲେ ।
ମାତ୍ର ଅଧଘଣ୍ଟା ପାଇଁ ଚାଲିଥିବା ବୈଠକରେ ୨ ଦଳର ନେତା ଆସନ ବୁଝାମଣା ନେଇ ଉପୁଜିଥିବା ସମସ୍ୟା ନେଇ ଆଲୋଚନା କରିଥିଲେ । ସେମାନଙ୍କ ସହ ଏନଡିଏର ଅନ୍ୟ ସହଯୋଗୀ ଦଳ ଭାବେ ରାମ ବିଳାସ ପାଶଓ୍ୱାନ ଙ୍କ ଲୋକ ଜନଶକ୍ତି ପାର୍ଟି ମଧ୍ୟ ସାମିଲ ଥିଲା ।
ଅପରପକ୍ଷରେ ଗତକାଲିର ସାମ୍ୱାଦିକ ସମ୍ମିଳନୀରେ ଏନଡିଏରୁ କେହି ଓହରିବେ ନାହିଁ ବରଂ ଆଗକୁ ଆହୁରୀ ଯୋଗଦେବେ ବୋଲି ବିହାର ନିର୍ବାଚନ ଦାୟିତ୍ୱରେ ଥିବା ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ୍ନଭିସ୍ ଦୃଢ଼ୋକ୍ତି ପ୍ରକାଶ କରିଛନ୍ତି । ତେବେ ଏନଡିଏରେ ସାମିଲ ହୋଇଥିବା ଭିନ୍ନ ଭିନ୍ନ ଦଳକୁ ନେଇ ପ୍ରତିକ୍ରିୟା ଦେଇ କହିଛନ୍ତି ଯେ, ଆଦର୍ଶ ଦୃଷ୍ଟିରୁ ଭିନ୍ନ ଭିନ୍ନ ହୋଇପାରନ୍ତି କିନ୍ତୁ ସେମାନଙ୍କ ଉଦ୍ଦେଶ୍ୟ ଏକ । ନଡ୍ଡା, ଯିଏ କି ଗତକାଲି ୨ ଦିନିଆ ବିହାର ଗସ୍ତ ଆରମ୍ଭରେ ପ୍ରଥମ ପାଟଣା ଦେବୀଙ୍କ ନିକଟରେ ପ୍ରଚାର କରି ନିଜ ଗସ୍ତ ଆରମ୍ଭ କରିଥିଲେ । ଯାହାଙ୍କ ନାଁରେ ପାଟଣା ସହରର ନାମକରଣ ହୋଇଛି ।
ଅରପପକ୍ଷରେ ଖୁବଶୀଘ୍ର ବିହାର ବିଧାନସଭା ନିର୍ବାଚନ ନେଇ ତାରିଖ ଘୋଷଣା ହେବ ବୋଲି ଆଶା କରାଯାଉଥିବା ବେଳେ ନଭେମ୍ୱର ୨୯ ସୁଦ୍ଧା ନିର୍ବାଚନ ପ୍ରକ୍ରିୟା ଶେଷ ହେବ ।
