ଦେଶର ଟପ୍ ୧୦୦ ଶିକ୍ଷାନୁଷ୍ଠାନ ତାଲକାରେ ଓଡ଼ିଶାର ୪

ଭୁବନେଶ୍ୱର: କେନ୍ଦ୍ର ଶିକ୍ଷା ମନ୍ତ୍ରଣାଳୟ ପକ୍ଷରୁ ୨୦୨୧ ବର୍ଷ ଲାଗି ନ୍ୟାସନାଲ ଇନଷ୍ଟିଚୁସନାଲ ରାଙ୍କିଂ ଫ୍ରେମୱାର୍କ ପ୍ରକାଶ ପାଇଛି । ଓଭରଅଲ ରାଙ୍କିଂରେ ୮୬.୭୬ ପ୍ରତିଶତ ସ୍କୋର କରି ତାଲିକାର ଶୀର୍ଷରେ ଆଇଆଇଟି ମାଡ୍ରାସ ରହିଛି । ଦେଶର ଶ୍ରେଷ୍ଠ ୧୦୦ ଶିକ୍ଷାନୁଷ୍ଠାନ ମଧ୍ୟରେ ଓଡ଼ିଶାର ୨ଟି ବିଶ୍ୱବିଦ୍ୟାଳୟ ସହ ୪ଟି ଶିକ୍ଷାନୁଷ୍ଠାନ ରହିଛି ।

୫୦.୩୪ ପ୍ରତିଶତ ସ୍କୋର କରି ତାଲିକାର ୩୭ ତମ ସ୍ଥାନରେ ରହିଛି ଶିକ୍ଷା ଓ ଅନୁସନ୍ଧାନ ବିଶ୍ୱବିଦ୍ୟାଳୟ । ସେହିଭଳି ୫୦ ପ୍ରତିଶତ ସ୍କୋର ସହ ତାଲିକାର ୩୯ ତମ ସ୍ଥାନରେ କଳିଙ୍ଗ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡଷ୍ଟ୍ରିଆଲ ଟେକ୍ନୋଲୋଜି ରହିଥିବା ବେଳେ ୪୧ ତମ ସ୍ଥାନରେ ୪୯.୨୭ ପ୍ରତିଶତ ସ୍କୋର କରି ସ୍ଥାନ ପାଇଛି ଏନଆଇଟି ରାଉରକେଲା । ତାଲିକାର ୫୮ ତମ ସ୍ଥାନରେ ୪୬.୭୮ ପ୍ରତିଶତ ସ୍କୋର ସହ ସ୍ଥାନ ପାଇଛି ଆଇଆଇଟି ଭୁବନେଶ୍ୱର ।