ଭାରତରେ ଓମିକ୍ରନର ନୂଆ ସବ୍ ଭାରିଆଣ୍ଟ ଚିହ୍ନଟ

ମୁମ୍ବାଇ: ଭାରତରେ ଠାବ ହେଲା ଓମିକ୍ରନର ନୂଆ ସବ୍ ଭାରିଆଣ୍ଟ । ପ୍ରଥମ ଥର ପାଇଁ ମହାରାଷ୍ଟ୍ରରେ ୭ ଜଣ ବ୍ୟକ୍ତି ଏହି ନୂଆ ଭାରିଆଣ୍ଟରେ ସଂକ୍ରମିତ ହୋଇଥିବା ଜଣାପଡ଼ିଛି । ସେମାନଙ୍କର ଲକ୍ଷଣ ସାମାନ୍ୟ ଥିବା ବେଳେ ଘରେ ଥାଇ ଚିକିତ୍ସିତ ହେଉଛନ୍ତି । ଓମିକ୍ରନର ବିଏ-୪ ଏବଂ ବିଏ-୫ ଏପ୍ରିଲ୍ ମାସରେ ଦକ୍ଷିଣ ଆଫିକ୍ରାରେ ଠାବ ହୋଇଥିଲା । ଏଥିରେ ଭାରତରେ କେହି ସଂକ୍ରମିତ ହୋଇନଥିଲେ । ପୁନେରେ ଇଣ୍ଡିଆନ୍ ବାୟୋଲୋଜିକାଲ ସେଣ୍ଟରେ ସେମାନଙ୍କ ଜିନୋମ ସିକ୍ୟୁନେସିଂ କରାଯାଉଛି ।

ସଂକ୍ରମିତ ବ୍ୟକ୍ତି ସମସ୍ତେ ୨୦ରୁ ୪୦ ବର୍ଷ ଭିତରେ ବୋଲି ଜଣାପଡ଼ିଛି । ୭ ଜଣଙ୍କ ମଧ୍ୟରେ ୬ ଜଣ କୋଭିଡର ଦୁଇଟି ଯାକ ଟିକା ନେଇଥିବା ବେଳେ ଜଣେ ବୁଷ୍ଟର ଡୋଜ୍ ମଧ୍ୟ ନେଇଛନ୍ତି । ଏମାନଙ୍କ ମଧ୍ୟରୁ ଦୁଇ ଜଣ ଦକ୍ଷିଣ ଆଫ୍ରିକା ଓ ବେଲଜିୟମରୁ ଫେରିଥିଲେ ।