ପଞ୍ଜାବରେ ଗ୍ୟାଙ୍ଗଓ୍ବାର୍ ଆଶଙ୍କା: ୨ ଦିନରେ ସିଦ୍ଧୁ ମୋସେଓ୍ବାଲଙ୍କ ହତ୍ୟାର ପ୍ରତିଶୋଧ ନେବାକୁ ଚେତାବନୀ

ନୂଆଦିଲ୍ଲୀ: ପଞ୍ଜାବୀ ରାପର ତଥା କଂଗ୍ରେସ ନେତା ସିଦ୍ଧୁ ମୋସେଓ୍ବାଲାଙ୍କ ହତ୍ୟା ପରେ ବଢିବାରେ ଲାଗିଛି ଗ୍ୟାଙ୍ଗଓ୍ବାର୍ ଆଶଙ୍କା । ଯେକୌଣସି ସମୟରେ ରାଜ୍ୟରେ ଆରମ୍ଭ ହୋଇପାରେ ଗ୍ୟାଙ୍ଗଓ୍ବାର । ଆଉ ଏହି ଆଶଙ୍କାକୁ ଅଧିକ ଦୃଢିଭୂତ କରିଛି, ନିରଜ ବଓ୍ବାନା ଗ୍ୟାଙ୍କର ଖୁଲମଖୁଲା ଧମକ । ୨ ଦିନ ମଧ୍ୟରେ ସିଦ୍ଧୁଙ୍କ ହତ୍ୟାର ପ୍ରତିଶୋଧ ନିଆଯିବ ବୋଲି ଏହି ଗ୍ୟାଙ୍ଗ ଚେତାବନୀ ଦେଇଛି । ଗ୍ୟାଙ୍ଗ ପକ୍ଷରୁ ଏକ ଫେସବୁକ୍ ପୋଷ୍ଟ କରାଯାଇ ସିଦ୍ଧୁଙ୍କ ହତ୍ୟାକୁ ନିନ୍ଦା କରାଯିବା ସହ ୨ ଦିନ ମଧ୍ୟରେ ପ୍ରତିଶୋଧ ନିଆଯିବ ବୋଲି ଚେତାବନୀ ଦିଆଯାଇଛି । ସିଦ୍ଧୁ ମୋସେଓ୍ବାଲାଙ୍କୁ ଭାଇ ବୋଲି କହୁଥିବା ନିରଜ ବଓ୍ବାନଙ୍କ ଗ୍ୟାଙ୍ଗ ସମ୍ପର୍କରେ ।

ଗ୍ୟାଙ୍ଗଷ୍ଟର୍ ନୀରଜ ବଓ୍ବାନା କିଏ ?

ଦିଲ୍ଲୀ ବଓ୍ବାନା ଗ୍ୟାଙ୍ଗର ଲିଡର ହେଉଛି ନୀରଜ ବଓ୍ବାନା । ଗ୍ୟାଙ୍ଗ ନାଁରୁ ନୀରଜ ନଁରେ ବଓ୍ବାନା ଲାଗିଛି । ନୀରଜ ଉପରେ ହତ୍ୟା, ଡକାୟତି, ବଟି ଆଦାୟ, ହତ୍ୟା ଧମକ ପରି ଏକାଧିକ ମାମଲା ରହିଛି । କେବଳ ଦିଲ୍ଲୀ ନୁହେଁ, ଦିଲ୍ଲୀ ବାହାରେ ମଧ୍ୟ ନୀରଜ ନାଁରେ ମାମଲା ରହିଛି । ଏବେ ତିହାର ଜେଲରେ ରହି ଗ୍ୟାଙ୍ଗ ଚଲାଉଛି ନୀରଜ । ଗ୍ୟାଙ୍ଗ ସଦସ୍ୟ ତା’ ସୋସିଆଲ ମିଡିଆ ଆକାଉଣ୍ଟ ଚଲାଉଛନ୍ତି ।

ଲୋକାଲ ବଦମାସଙ୍କ ବ୍ୟତୀତ ନୀରଜ ଗ୍ୟାଙ୍ଗରେ ଉତ୍ତର ପ୍ରଦେଶ, ହରିୟାଣା ଓ ପଞ୍ଜାବର ବହୁ କୁଖ୍ୟାତ ଅପରାଧୀ ଅଛନ୍ତି । ଲୁଟ୍, ଡକାୟତି, ବଟି ଆଦାୟ ଓ ହତ୍ୟା ସହ ଏମାନେ ବିବାଦୀୟ ଜମି ବିବାଦରେ ପଶିଥାନ୍ତି । ଏକଦା ଦିଲ୍ଲୀରେ କୋକୁଆ ଭୟ ସୃଷ୍ଟି କରିଥିବା ନୀତୁ ଦାବୋଦାଙ୍କ ମୃତ୍ୟୁ ପରେ ଏହି ଗ୍ୟାଙ୍ଗର ବହୁ ଅପରାଧୀ ନୀରଜ ଗ୍ୟାଙ୍ଗରେ ସାମିଲ ହୋଇଯାଇଥିଲେ । ଯାହା ନୀରଜ ଗ୍ୟାଙ୍ଗର ନା କେବଳ ବଡ଼ କରିଥିଲା, ଏହାକୁ ଆହୁରି ଅଧିକ ହିଂସ୍ର କରିଦେଇଛି ।