ନବାବ ମଲ୍ଲିକଙ୍କୁ ୱାଙ୍ଖେଡେଙ୍କ ଜବାବ, ‘ମତେ ଏହି ବର୍ଦ୍ଦି ରାଷ୍ଟ୍ରପତି ଦେଇଛନ୍ତି, ଏହାକୁ କାଢ଼ିବା ଏତେ ସହଜ ନୁହେଁ’
ମୁମ୍ବାଇ: ଆଜିକାଲି ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ର ଜୋନାଲ ନିର୍ଦ୍ଦେଶକ ସମୀର ୱାନଖେଡେ ଖୁବ ଚର୍ଚ୍ଚାରେ । କ୍ରୁଜ୍ ଡ୍ରଗ୍ ମାମଲାରେ ଆର୍ଯ୍ୟନ୍ ଖାନ୍ ଜେଲ ଯିବା ପରେ ଅନେକ ଲୋକ ୱାନକେଡେଙ୍କୁ ପ୍ରଶଂସା କରୁଥିବାବେଳେ ଏନସିପି ନେତା ନବାବ ମଲିକଙ୍କ ସମେତ କିଛି ଲୋକ ତାଙ୍କ ଉପରକୁ ଆଙ୍ଗୁଠି ଉଠାଇଛନ୍ତି ।
ମହାରାଷ୍ଟ୍ର ସରକାରରେ ସଂଖ୍ୟାଲଘୁ ମନ୍ତ୍ରୀ ନବାବ ମଲ୍ଲିକ ଏହା କହିଛନ୍ତି ଯେ ଏକ ବର୍ଷ ମଧ୍ୟରେ ୱାଙ୍ଖେଡେ ନିଜ ଚାକିରି ହରାଇବେ । ଆଉ ଏହା ପରେ ୱାଙ୍ଖେଡେଙ୍କୁ ଜେଲରେ ଭର୍ତ୍ତି ନକଲେ ତାଙ୍କୁ ଶାନ୍ତି ମିଳିବ ନାହିଁ । କ୍ରୁଜ ଡ୍ରଗ୍ସ ମାମଲାର ତଦନ୍ତ କରୁଥିବା ଏନସିବିର ଜୋନାଲ ଡ଼ାଇରେକ୍ଟର ସମୀର ୱାନଖେଡେ ସୋମବାର ନିଜ ବିରୋଧରେ ହୋଇଥିବା ଆରୋପକୁ ନେଇ ପ୍ରତିକ୍ରିୟା ରଖିଛନ୍ତି। ମହାରାଷ୍ଟ୍ର ମନ୍ତ୍ରୀ ନବାବ ମଲିକ ଆଣିଥିବା ଅଭିଯୋଗ ଉପରେ ସେ ପ୍ରତିକ୍ରିୟା ରଖିଛନ୍ତି। ମୁମ୍ବାଇର ଏକ କୋର୍ଟରେ ଆଫିଡେଭିଟ୍ ଦାଏର କରି ସେ କହିଛନ୍ତି ଯେ ତାଙ୍କ ଉପରେ ଲଗାଯାଇଥିବା ଆରୋପ ମିଛ, ଭହିତ୍ତୀହୀନ, ବିଭ୍ରାନ୍ତକାରୀ । ନବାବ ମଲିକ ସମୀର ୱାନଖେଡେଙ୍କ ଜନ୍ମ ସମ୍ବନ୍ଧୀୟ ଏକ ଦସ୍ତାବିଜ ଟ୍ୱିଟରରେ ସେୟାର କରିବା ପରେ ସମୀର ବୟାନ ଦେଇଛନ୍ତି। ଟ୍ୱିଟ କରି ନବାବ ମଲିକ ଲେଖିଛନ୍ତି, ‘ଏଠାରୁ ଆରମ୍ଭ ହୋଇଛି ଜାଲିଆତି।’
ତେବେ ନବାବଙ୍କ ଏହି ବୟାନ ସମୀର ୱାଙ୍ଖେଡେ ତାଙ୍କ ବିରୋଧରେ ଆସିଥିବା ସମସ୍ତ ଅଭିଯୋଗର ଉତ୍ତର ଦେଇଛନ୍ତି। ସେ କହିଛନ୍ତି ଯେ ତାଙ୍କୁ ଏହି ୟୁନିଫର୍ମ ରାଷ୍ଟ୍ରପତିଙ୍କଠାରୁ ମିଳିଛି । ଯଦି ଏହାକୁ କେହି ମୋ ଠାରୁ ନେଇପାରିବେ ତେବେ ମୁଁ ତାକୁ ଅଭିନନ୍ଦନ ଜଣାଇବି ।
