ନବମ ଥର ପାଇଁ ନବୀନ ପଟ୍ଟନାୟକ ରାଜ୍ୟ ସଭାପତି ହେବା ନିଶ୍ଚିତ

ଭୁବନେଶ୍ବର: ନବମ ଥର ପାଇଁ ନବୀନ ପଟ୍ଟନାୟକ ରାଜ୍ୟ ସଭାପତି ହେବା ନିଶ୍ଚିତ। ବିଜେଡି ସଭାପତି ପଦ ଲାଗି ଆଜି କେବଳ ଜଣେ ମାତ୍ର ପ୍ରାର୍ଥୀ ଭାବେ ନବୀନ ପଟ୍ଟନାୟକ ନାମାଙ୍କନ ଦାଖଲ କରିଥିଲେ। ଆସନ୍ତା ୧୯ ସକାଳ ୧୧ଟାରେ ବିଧିବଦ୍ଧ ଭାବେ ତାଙ୍କ ନାଁ ଘୋଷଣା କରାଯିବ ବୋଲି କହିଛନ୍ତି ରାଜ୍ୟ ନିର୍ବାଚନ ଅଧିକାରୀ ପ୍ରତାପ ଦେବ। ଆସନ୍ତା ଏପ୍ରିଲ ୧୯ ସକାଳ ୧୧ଟାରେ ଷ୍ଟେଟ କାଉନସିଲ ଓ ଷ୍ଟେଟ ଏକଜିକ୍ଯୁଟିଭ ମେମ୍ବରଙ୍କ ଉପସ୍ଥିତିରେ ତାଙ୍କ ନାଁ ଘୋଷଣା ହେବ। ଆଜି ଦଳୀୟ ନେତା ଓ କର୍ମୀଙ୍କ ଗହଣରେ ଶଙ୍ଖ ଭବନରେ ବିଜେଡି ରାଜ୍ୟ ନିର୍ବାଚନ ଅଧିକାରୀ ପ୍ରତାପ ଦେବଙ୍କ ଉପସ୍ଥିତିରେ ନାମାଙ୍କନ ଦାଖଲ  କରିଥିଲେ ନବୀନ।