ଆର୍ଟେମିସ-୧ ଆଣିଲା ପୃଥିବୀର ଫଟୋ, ନାସା ଜାରି କଲା ଭିଡିଓ

ମହାକାଶରୁ ପୃଥିବୀର ଫଟୋ ଉଠାଇଛି ଆର୍ଟେମିସ-1 । ମୁନ ମିସନ ପାଇଁ ଗତକାଲି ନାସା ପକ୍ଷରୁ ପଠାଯାଇଥିବା ରକେଟ ଆର୍ଟେମିସ-1 ରୁ ପୃଥିବୀର ଫଟୋ ଉଠାଯାଇଛି । ନାସା ଅଫିସିଆଲ ଟୁଇଟର ହ୍ୟାଣ୍ଡେଲରେ ଏହାର ଏକ ଭିଡିଓ ସେୟାର କରାଯାଇଛି । ଭିଡିଓରେ ରକେଟର ଠିକ୍ ପଛପଟେ ପୃଥିବୀ ଦେଖାଯାଉଛି ।

As @NASA_Orion begins the #Artemis I mission to the Moon, the spacecraft captured these stunning views of our home planet. pic.twitter.com/Pzk3PDt7sd

— NASA Artemis (@NASAArtemis) November 16, 2022

ଚନ୍ଦ୍ରକୁ ମହାକାଶଚାରୀ ପଠାଇବାକୁ ନାସାର ବଡ଼ ପ୍ରୟାସ ସଫଳ ହୋଇଛି । ଆର୍ଟେମିସ ଓ୍ବାନ ମିଶନ ଲଞ୍ଚ ପାଇଁ ନାସା ଦୀର୍ଘ ବର୍ଷ ଧରି କାର୍ଯ୍ୟ କରୁଥିବା ବେଳେ ଗତକାଲି କେନେଡି ଲଞ୍ଚପ୍ୟାଡରୁ ଏହି ସ୍ପେସ ଲଞ୍ଚ ସିଷ୍ଟମ ଉତକ୍ଷେପଣ କରାଯାଇଥିଲା । ଆର୍ଟେମିସରେ ଆରଏସ-୨୫ ଇଞ୍ଜିନ ଖଞ୍ଜାଯାଇଥିବା ବେଳେ ୪୨ ଦିନର ଯାତ୍ରା ସାରି ପୃଥିବୀକୁ ଫେରିଆସିବ ।

ଚନ୍ଦ୍ରରେ ପହଞ୍ଚିବା ପରେ ଏହାର ଗ୍ରାଭିଟେସନାଲ ପୁଲ୍ ଜରିଆରେ ଓରିଅନ ସ୍ପେସକ୍ରାଫ୍ଟକୁ ଉତକ୍ଷେପଣ କରିବ ଯାହାକି ଚନ୍ଦ୍ରଠାରୁ ୬୦ ହଜାର କିଲୋମିଟର ଦୂରରେ ଅବସ୍ଥାପିତ ହେବ । ଆସନ୍ତା ଡିସେମ୍ବରରେ ସାନ ଡିଆଗୋକୁ ଫେରବ ସ୍ପେସକ୍ରାଫ୍ଟ ।