ନନ୍ଦନକାନନରେ ଖୁସି: ମାଆ ହେବ ବାଘୁଣୀ ମୌସୁମୀ

1 min read

ଭୁବନେଶ୍ବର: ନନ୍ଦନକାନନରୁ ଆସିଲା ଖୁସି ଖବର । ଖୁବଶୀଘ୍ର ପ୍ରାଣୀ ଉଦ୍ୟାନକୁ ଆସିବାକୁ ଯାଉଛି ନୂଆ ଅତିଥି । ମାଆ ହେବାକୁ ଯାଉଛି ଧଳା ଭାଘୁଣୀ ମୌସୁମୀ । ପ୍ରଥମ ଥର ପାଇଁ ଧଳା ମହାବଳ ସାହିଲ ସହିତ ବାଘୁଣୀ ମୌସୁମୀର ମିଳନ ହୋଇଥିଲା । ଏହାର ୧୦୦ ଦିନ ପରେ ଏବେ ଖୁସି ଖବର ସାମନାକୁ ଆସିଛି । ସାଧାରଣତଃ ବାଘମାନେ ମିଳନ ହେବାର ଦିନଠାରୁ ୧୦୪ରୁ ୧୦୬ଦିନ ମଧ୍ୟରେ ଶାବକ ଜନ୍ମ ଦେଇଥାନ୍ତି । ସେହି ଅନୁସାରେ ଆସନ୍ତା ସପ୍ତାହକ ଭିତରେ ବାଘୁଣୀ ମୌସୁମୀ ମାଆ ହେବ ବୋଲି ସ୍ପଷ୍ଟ କରିଛନ୍ତି ନନ୍ଦନକାନନ କର୍ତ୍ତୁପକ୍ଷ ।

ବାଘୁଣୀର ଅବସ୍ଥା ଏବେ ଠିକ୍ ଥିବାବେଳେ ତାକୁ ଫିଡିଙ୍ଗ ଚାମ୍ବରରେ ରଖାଯାଇଛି । ସିସିଟିଭିରେ ତା’ ଉପରେ ନଜର ରଖାଯାଇଛି । ୨୦୧୬ ଅଗଷ୍ଟରେ ସାଧାରଣ ନାଲି ମହାବଳ ବାଘ ମନୀଷ ଓ ଧଳା ମହାବଳ ବାଘୁଣୀ ସ୍ନେହା ଔରସରୁ ମୌସୁମୀ ଜନ୍ମଗ୍ରହଣ କରିଥିଲା ।

Opn Commnet Area

Leave a Reply

Your email address will not be published. Required fields are marked *