ଏମିତି ସ୍ଥାନ ଯେଉଁଠିକୁ ଗଲେ କେହି ଫେରନ୍ତିନି

ନୂଆଦିଲ୍ଲୀ :  କଥାରେ ଅଛି ଯାହା ନାହିଁ ଭାରତେ, ତାହା ନାହିଁ ମରତେ । ଆଜି ବି ଦୁନିଆରେ ଏପରି ରହସ୍ୟମୟ ଏବଂ ଅବିଶ୍ବାସନୀୟ ସ୍ଥାନ ରହିଛି, ଯାହା ଏବେ ବି ବିଜ୍ଞାନ ଠାରୁ ବହୁ ଦୂରରେ । ଭାରତରେ ଏମିତି ଅନେକ ରହସ୍ୟମୟ ସତ୍ୟ ଲୁଚି ରହିଛି ଯାହାର ଅସ୍ତିତ୍ବ ଏବଂ ସତ୍ୟତା ଆପଣଙ୍କୁ ବିଶ୍ବାସ କରିବାକୁ ବାଦ୍ଧ କରିଦେବ । ଆମେ ଆପଣଙ୍କୁ ଏମିତି ଏକ ଭାରତର ରହସ୍ୟମୟ ଘାଟି ବିଷୟରେ କହିବୁ ଯାହା ଜାଣିଲେ ଆପଣ ମଧ୍ୟ ଆଶ୍ଚର୍ଯ୍ୟ ହେବେ । ଏମିତି ଏକ ଘାଟି ଅଛି ଯାହାକୁ କେବେ କେହି ଖୋଜି ପାଇ ନାହାଁନ୍ତି । ଯଦି କିଏ ଜାଣିବାକୁ ଚେଷ୍ଟା କରିଛି ସେ ସବୁଦିନ ପାଇଁ ହଜିଯାଇଛି । ଏକ ରିପୋର୍ଟ ଅନୁଯାୟୀ ଜଣିବାକୁ ମିଳିଛି କି ଏପରି ଏକ ଘାଟି ଅରୁଣାଚଳ ପ୍ରଦେଶ ଏବଂ ତିବ୍ଦତ ମଧ୍ୟରେ ରହିଛି ।  ଏହି ସ୍ଥାନକୁ ‘ଶାଂଗରୀ-ଲା ଘାଟି’ ବୋଲି କୁହାଯାଏ ।

ଏହି ଘାଟିକୁ ବରମୁଡା ତ୍ରିରଙ୍ଗା ପରି ଦୁନିଆର ସବୁଠାରୁ ରହସ୍ୟମୟ ସ୍ଥାନ ବୋଲି କୁହାଯାଏ । ବରମୁଡା ତ୍ରିରଙ୍ଗା ହେଉଛି ଉତ୍ତର ଆଟଲାଣ୍ଟିକ୍ ମହାସାଗରର ଏକ ଅଂଶ, ଯେଉଁଠାରେ ଯାଉଥିବା ଜାହାଜ ଏବଂ ବିମାନ ଅଦୃଶ୍ୟ ହୋଇଯାଏ ।  କୁହାଯାଏ ଯେ,’ଶାଂଗରୀ-ଲା ଘାଟି’ର ଅନ୍ୟ ଜଗତ ସହିତ ସମ୍ପର୍କ ରହିଛି  । ଆସାମର ସାହିତ୍ୟିକ ଅରୁଣ ଶର୍ମାଙ୍କ ପୁସ୍ତକ ‘ତିବ୍ଦତର ରହସ୍ୟମୟ ଉପତ୍ୟକା’ ରେ ଏହା ଉଲ୍ଲେଖ କରାଯାଇଛି।

ଯେଉଁମାନେ ଏହି ଉପତ୍ୟକା ବିଷୟରେ ଜାଣିଛନ୍ତି, ସେମାନେ କହିଛନ୍ତି ଯେ ଆଦି ଶଙ୍କରାଚାର୍ଯ୍ୟ ଆରମ୍ଭ କରିଥିବା ପ୍ରସିଦ୍ଧ ଯୋଗୀ “ଶ୍ୟାମ ଚରଣ ଲାହିରି” ର ଗୁରୁ “ମହାଭାରତ ବାବା” ବର୍ତ୍ତମାନ ମଧ୍ୟ ଏହି ଉପତ୍ୟକାର କିଛି ସିଦ୍ଧ ଆଶ୍ରମରେ ବାସ କରୁଛନ୍ତି।  ତିବ୍ଦତୀୟ ଭାଷାରେ ଲିଖିତ ‘କାଲ ବିଜ୍ଞାନ’ ପୁସ୍ତକରୁ ମଧ୍ୟ ଏହି  ବିଷୟରେ ଅଧିକ ଜାଣି ହେବ । ପୁସ୍ତକଟି ତିବ୍ଦତର ତାୱାଙ୍ଗ ମଠର ଲାଇବ୍ରେରୀରେ ରଖାଯାଇଛି ।ତିବ୍ଦତୀୟ ପଣ୍ଡିତ ୟୁଟସଙ୍ଗ କହିଛନ୍ତି ଯେ ସେ ନିଜେ ଏହି ରହସ୍ୟମୟ ଉପତ୍ୟକାକୁ ଯାଇଛନ୍ତି ।  ତାଙ୍କ କହିବାନୁସାରେ, ସେଠାରେ ସୂର୍ଯ୍ୟ କିରଣ କିମ୍ବା ଚନ୍ଦ୍ର ନଥିଲା, ତଥାପି ଏକ ରହସ୍ୟମୟ ଆଲୋକ ଚାରିଆଡେ ବ୍ୟାପି ଥିଲା । ହେଲେ ଏ କଥା ଯେ କେତେ ସତ କେତେ ମିଛ ତାହା ଜଣାପଡି ନାହିଁ ।

ଏହି ଉପତ୍ୟକା ତନ୍ତ ଜ୍ଞାନ ଏବଂ ଧ୍ୟାନ ସହିତ ଜଡିତ ଲୋକଙ୍କ ମଧ୍ୟରେ ଭାରତ ସମେତ ସମଗ୍ର ବିଶ୍ୱରେ ପ୍ରସିଦ୍ଧ ।ଏହି ଘାଟି ପୃଥିବୀର ଆଧ୍ୟାତ୍ମିକ କେନ୍ଦ୍ର ଭାବରେ ମଧ୍ୟ ଜଣାଶୁଣା । ଏଥି ସହିତ ‘ଶାଂଗରୀ-ଲା ଘାଟି’କୁ ସିଦ୍ଧଶ୍ରମ ମଧ୍ୟ କୁହାଯାଏ, ଯାହାକି ମହାଭାରତରୁ ବାଲ୍ମିକ ରାମାୟଣ ଏବଂ ବେଦ ପର୍ଯ୍ୟନ୍ତ ହିନ୍ଦୁ ଧାର୍ମିକ ଗ୍ରନ୍ଥରେ ଉଲ୍ଲେଖ କରାଯାଇଛି ।  ସୂଚନା ଅନୁଯାୟୀ, ଏହି ରହସ୍ୟମୟ ଘାଟି ଖୋଜିବା ପାଇଁ ଚୀନ୍ ସେନା ମଧ୍ୟ ବହୁ ଚେଷ୍ଟା କରିଥିଲା, କିନ୍ତୁ ସଫଳତା ପାଇ ନଥିଲା।  ଅନେକ ରିପୋର୍ଟରେ କୁହାଯାଇଛି ଯେ ଯିଏ ‘ଶାଂଗରୀ-ଲା ଘାଟି’ର ରହସ୍ୟ ଉନ୍ମୋଚନ କରିବାକୁ ଚେଷ୍ଟା କରିଛି, ସେ ଆଉ ଫେରିନାହିଁ ।  ଏହି ଉପତ୍ୟକା ପ୍ରକୃତରେ ବିଦ୍ୟମାନ ଅଛି କିମ୍ବା ଏହାର କେବଳ ଏକ କାହାଣୀ ତାହା ଜଣାପଡି ନାହିଁ ।