ରହସ୍ୟମୟ ମଠ, ଘଣ୍ଟା ବାଜିଲେ ଆସନ୍ତି ବିଲେଇ

1 min read

କେନ୍ଦ୍ରାପଡ଼ା: ରହସ୍ୟମୟ ମଠରେ ଆଶ୍ଚର୍ଯ୍ୟ କଲାଭଳି ଦୃଶ୍ୟ । ଭକ୍ତଙ୍କ ବଦଳରେ ବିଲେଇଙ୍କ ସମାଗମ । ଘଣ୍ଟା ବାଜିବା କ୍ଷଣି ଶ୍ରଦ୍ଧାଳୁ ନୁହେଁ ଏକତ୍ରିତ ହୋଇଥାନ୍ତି ବିଲେଇ ।ଠାକୁରଙ୍କ ପାଖରେ ପ୍ରସାଦ ଲାଗି ହେବା ପରେ ବିଲେଇଙ୍କୁ ପ୍ରସାଦ ଦିଆଯାଇଥାଏ । ଏଭଳି ଏକ ମନ୍ଦିର ରହିଛି କେନ୍ଦ୍ରାପଡ଼ା ଜିଲ୍ଲାରେ । ନିକିରେଇ ମଦନ ମୋହନ ମଠରେ ଭୋଗ ଲାଗିବା ପରେ ବିଲେଇ ପ୍ରଥମେ ପ୍ରସାଦ ଖାଇଥାନ୍ତି । ବିଲେଇଙ୍କୁ ଅନ୍ୟମାନେ ଅଶୁଭ ସଙ୍କେତ ଭାବେ ମାନୁଥିବା ବେଳେ ମଠର ମହନ୍ତ ଏମାନଙ୍କୁ ଶୁଭ ବୋଲି କହି ସେବା କରିଥାନ୍ତି ।

ରାଜ ରାଜୁଡ଼ା ଅମଳରୁ ନିକିରେଇରେ ମଦନ ମୋହନ ରହିଛନ୍ତି । ରାଜା ଭ୍ରମଣ କରିବାକୁ ଆସି ଏତେ ସଂଖ୍ୟାରେ ବିଲେଇଙ୍କୁ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ । ମହନ୍ତଙ୍କ ପଛରେ ଶହ ଶହ ବିଲେଇ ଦେଖି ଖାଇବା ପାଇଁ ୫ ଏକର ସମ୍ପତ୍ତି ଦାନ କରିଥିଲେ । ସେହିଦିନ ଠାରୁ ଏଠାରେ ବିଲେଇଙ୍କୁ ପ୍ରସାଦ ଦିଆଯାଉଛି ।

[DISPLAY_ULTIMATE_SOCIAL_ICONS]