‘ମୋ ଧାମ ମୋ ଗର୍ବ’ ଅଭିଯାନରେ ସ୍ୱଚ୍ଛ ପୁରୀ ପାଇଁ ପ୍ରୟାସ…

ପୁରୀ: ଚାରିଧାମ ମଧ୍ୟରୁ ଅନ୍ୟତମ ଧାମ ଶ୍ରୀକ୍ଷେତ୍ର ପୁରୀକୁ ସ୍ୱଚ୍ଛ ଧାମ କରିବା ଲକ୍ଷ୍ୟରେ ଜିଲ୍ଲା ପ୍ରଶାସନ ପକ୍ଷରୁ ଆରମ୍ଭ କରାଯାଇଛି ସ୍ୱଚ୍ଛତା ଅଭିଯାନ | “ମୋ ଧାମ ମୋ ଗର୍ବ” ନାମରେ ଏହି ଅଭିଯାନ ଆରମ୍ଭ କରାଯାଇଥିବା ବେଳେ ଆସନ୍ତାକାଲି ଏହାର ଲୋଗୋ ଉନ୍ମୋଚନ ଅନୁଷ୍ଠିତ ହେବ | ଆଗାମୀ ସପ୍ତାହେ ବ୍ୟାପି ସ୍ୱଚ୍ଛତା ନେଇ ପୌରସଂସ୍ଥା ଅଞ୍ଚଳରେ ସଚେତନତା କାର୍ଯ୍ୟକ୍ରମ କରାଯିବା ସହ ଜନ ସାଧାରଣ ମାନେ ସଂକଳ୍ପ ନେବାପାଇଁ ଜିଲ୍ଲାପାଳ ଆହ୍ୱାନ ଦେଇଛନ୍ତି |

ଏନେଇ ପ୍ରଶାସନ ପକ୍ଷରୁ ସହରର ବିଭିନ୍ନ ନେତୃ ମଣ୍ଡଳୀ ମାନଙ୍କ ସହ ଗତ ୨୨ ତାରିଖଠାରୁ ବିଭିନ୍ନ ସ୍ତରରେ ଆଲୋଚନା କରାଯାଇଛି |ଏଥିରେ ପ୍ରାୟ ୨ହଜାର ଲୋକ ସାମିଲ ହୋଇଥିବା ବେଳେ ସହରର ଐତିହ୍ୟ ଦୃଷ୍ଟିକୋଣରୁ ଦେଶର ଏକନମ୍ବର ସ୍ଵଛ ସହର କରିବା ନେଇ ଜିଲ୍ଲା ପ୍ରଶାସନ ସମସ୍ତ ସହର ବାସୀଙ୍କ ସହଯୋଗ ଲୋଡିଛି | ଏନେଇ ଏକ ସାମ୍ବାଦିକ ସମ୍ମିଳନୀ ରେ ପୁରୀ ଜିଲ୍ଲାପାଳ ସୂଚନା ଦେଇଛନ୍ତି |