ଘରଭଡ଼ା ମାଗିଲେ ବୋଲି ଛାତରୁ ଠେଲି ଦେଲେ !

ପୁରୀ: ପୁରୀ ପଥୁରିଆ ସାହିରେ ହତ୍ୟାକାଣ୍ଡ। ଜଣେ ବୃଦ୍ଧଙ୍କୁ ଛାତ ରୁ ଠେଲି ହତ୍ୟା କରାଯାଇ ଥିବା ଅଭିଯୋଗ ହୋଇଛି । ମୃତକ ହେଲେ ପଥୁରିଆ ସାହିର ନରେନ୍ଦ୍ର କୁମାର ମହାରଣା । ଘରେ ଭଡ଼ା ରହୁଥିବା ବେଣୁଧର ସାହୁ ହତ୍ୟା କରିଥିବା ଅଭିଯୋଗ ହୋଇଛି ।

ସୂଚନା ଅନୁଯାୟୀ, ଘରଭଡ଼ାକୁ କେନ୍ଦ୍ରକରି ଉଭୟଙ୍କ ମଧ୍ୟରେ ପୂର୍ବରୁ ବହୁବାର ଝଗଡ଼ା ହୋଇଛି । ତେବେ ହତ୍ୟାକାଣ୍ଡର କାରଣ ଘରଭଡ଼ା ବୋଲି ଅନୁମାନ କରାଯାଉଛି । ଘଟଣା କୁ ନେଇ ସ୍ତାନୀୟ ଅଞ୍ଚଳରେ ଉତ୍ତେଜନା ସୃଷ୍ଟି ହୋଇଛି ।

ସେପଟେ ତୁରନ୍ତ ତଦନ୍ତ କରି ଅଭିଯୁକ୍ତକୁ ଗିରଫ କରିବା ନେଇ ଟାଉନ ଥାନାରେ ଘେରାଉ କରିଛନ୍ତି ସ୍ଥାନୀୟ ଲୋକେ । ପୁରୀ ଟାଉନ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରିଥିବା ବେଳେ ସନ୍ଦେହରେ ଭଡ଼ାଟିଆ ଦମ୍ପତ୍ତିଙ୍କୁ  ଅଟକ ରଖି ପଚରା ଉଚରା କରୁଛି |