ନନ୍ଦିଘୋଷ ବ୍ୟୁରୋ: ବାତ୍ୟାକୁ ନେଇ ସତର୍କ ଭୁବନେଶ୍ୱର ବିମାନବନ୍ଦର କର୍ତ୍ତୃପକ୍ଷ। ବାତ୍ୟା ମୁକାବିଲା ପାଇଁ ସମସ୍ତ ପ୍ରକାର ପ୍ରସ୍ତୁତି ସରିଥିବାବେଳେ SOP ଏବଂ Technical Instructions Manual ଅନୁଯାୟୀ ନିଆଯାଇଛି ଆବଶ୍ୟକୀୟ ପଦକ୍ଷେପ। ବାତ୍ୟାର ସ୍ଥିତି ଉପରେ ଏୟାରପୋର୍ଟର ଷ୍ଟେକ୍ହୋଲ୍ଡର୍ସ କମିଟି ନଜର ରଖିଛି। ଏବେ ସୁଦ୍ଧା କୌଣସି ଫ୍ଲାଇଟ୍ ବାତିଲ ହୋଇନାହିଁ। ସ୍ୱାଭାବିକ ଭାବେ ଚାଲିଛି ବିମାନ ଚଳାଚଳ। ଏୟାରପୋର୍ଟ ଅଞ୍ଚଳରେ ମଧ୍ୟମ ଧରଣର ବର୍ଷା ସହ ପବନର ବେଗ ଘଣ୍ଟାପ୍ରତି ୨୦ କିଲୋମିଟର ରହିଛି। ବାତ୍ୟା ସ୍ଥିତିର ସମୀକ୍ଷା ପାଇଁ ଆଜି ଷ୍ଟେକ୍ହୋଲ୍ଡର୍ସ ବୈଠକ ବସିବ। ପବନର ବେଗ ନିର୍ଦ୍ଧାରିତ ସୁରକ୍ଷା ସୀମା ଅତିକ୍ରମ କଲେ ହିଁ ବିମାନ ଚଳାଚଳ ବନ୍ଦ ନେଇ ନିଷ୍ପତ୍ତି ନିଆଯିବ। ତେବେ ଆଗୁଆ କୌଣସି ଫ୍ଲାଇଟ୍ ବାତିଲ କିମ୍ବା ଏୟାରପୋର୍ଟ ଅପରେସନ୍ ବନ୍ଦ କରିବାର ଯୋଜନା ନାହିଁ। ଯାତ୍ରୀମାନେ ବିମାନବନ୍ଦର ବାହାରିବା ପୂର୍ବରୁ ନିଜ ଫ୍ଲାଇଟ୍ର ସ୍ଥିତି ଯାଞ୍ଚ କରି ଯାତ୍ରା କରିବାକୁ ଏୟାରପୋର୍ଟ ନିର୍ଦ୍ଦେଶକ ପରାମର୍ଶ ଦେଇଛନ୍ତି। ଅନ୍ୟପଟେ ବାତ୍ୟାକୁ ନଜରରେ ରଖି ଏୟାରପୋର୍ଟ ପକ୍ଷରୁ ୫୮ଟି ସତର୍କତାମୂଳକ ପଦକ୍ଷେପ ନିଆଯାଉଛି।

