ଜମି ବିବାଦକୁ କେନ୍ଦ୍ରକରି ବାପା-ପୁଅଙ୍କୁ ଗୋଡ଼ାଇ ଗୋଡ଼ାଇ ହାଣିଲା ଦାଦା

ନୀଳଗିରି: ଜମିବାଡ଼ି ବିବାଦକୁ କେନ୍ଦ୍ରକରି ବାପା-ପୁଅକୁ ଗୋଡ଼ାଇ ଗୋଡ଼ାଇ ହାଣିଲା ଦାଦା । ନୀଳଗିରି ଥାନା ଜୁକଗଡ଼ିଆ ଗାଁରେ ଏପରି ଏକ ଅଭାବନୀୟ ଘଟଣା । ଦାଦାର କଟୁରି ଚୋଟରେ ପୁତୁରା ଓ ଭାଇ ଆହତ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି । ପୂର୍ବରୁ ଲାଗି ରହିଥିବା ଜମିବାଡ଼ି ବିବାଦକୁ ନେଇ ଗତକାଲି ଦୁଇ ଭାଇଙ୍କ ମଧ୍ୟରେ ବଚସା ହୋଇଥିଲା । ପରେ ଦାଦା ରାଗିଯାଇ ଉଭୟ ବାପ-ପୁଅଙ୍କ ଉପରେ ମରଣାନ୍ତକ ଆକ୍ରମଣ କରିଥିଲା । ଦାଦାର ଆକ୍ରମଣରେ ପୁତୁରା ମାନସ ରଞ୍ଜନ ବାରିକ ନୀଳଗିରି ମେଡିକାଲରେ ଭର୍ତ୍ତି ହୋଇଥିବା ବେଳେ, ନୀଳଗିରି ଥାନାରେ ଉଭୟ ଲିଖିତ ଅଭିଯୋଗ ହୋଇଛି । ପୋଲିସ ଅଭିଯୋଗ ଆଧାରରେ ତଦନ୍ତ ଜାରି ରଖିଛି ।

ଏଥିସହିତ ପଢ଼ନ୍ତୁ: କରୋନା ଟିକା ନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ନିଆରା ସଚେତନତା