ରଥଯାତ୍ରା ପୂର୍ବରୁ ବଡ଼ଦାଣ୍ଡରେ ସୁରକ୍ଷାକର୍ମୀଙ୍କ ମକଡ୍ରିଲ୍

ପୁରୀ: ଦିନକ ପରେ ବିଶ୍ୱ ପ୍ରସିଦ୍ଧ ଘୋଷଯାତ୍ରା । କରୋନା ପାଇଁ ୨ବର୍ଷ ବିନା ଭକ୍ତରେ ବଡ଼ଦାଣ୍ଡକୁ ଆସିଥିଲେ ମହାପ୍ରଭୁ । କିନ୍ତୁ ଚଳିତ ଥର ଭକ୍ତଙ୍କ ଗହଣରେ ହେବ ଘୋଷଯାତ୍ରା । ରଥଯାତ୍ରା ପାଇଁ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ସୁରକ୍ଷା ଦୃଷ୍ଟିରୁ ସବୁ ପ୍ରକାର ଚ୍ୟାଲେଞ୍ଜର ସାମ୍ନା ପାଇଁ ପ୍ରସ୍ତୁତ ରହିଛି ପୋଲିସ । ପୁରୀରେ ଆତଙ୍କବାଦୀ ଆକ୍ରମଣ କିପରି ହେବ ମୁକାବିଲା । ତାକୁ ନେଇ ମକଡ୍ରିଲ୍ କରିଛନ୍ତି ସୁରକ୍ଷା କର୍ମୀ । ପରିତ୍ୟକ୍ତ ଘରେ ଜଣଙ୍କୁ ପଣବନ୍ଦୀ ରଖିଛନ୍ତି ୨ଜଣ ଆତଙ୍କବାଦୀ । ବନ୍ଦୀଙ୍କୁ ମୁକୁଳାଇବା ନେଇ ଡେମୋ ପ୍ରାକ୍ଟିସ ହୋଇଛି ।