ଅସ୍ତ୍ରବିରତିରେ ଗର୍ଜିଲା ଅସ୍ତ୍ର; ଭାରତୀୟ ସେନାର ଜବାବ, ପାକିସ୍ତାନର ୩ ଯବାନ ନିହତ

ଜମ୍ମୁ -କାଶ୍ମୀର: ଅସ୍ତ୍ରବିରତି ଉଲ୍ଲଂଘନ ପଡିଲା ମହଙ୍ଗା । ଅସ୍ତ୍ରର ପ୍ରଶ୍ନକୁ ଅସ୍ତ୍ରରେ ଉତ୍ତର ଦେଲା ଭାରତ । ରଜୌରୀ ସେକ୍ଟରରେ ବଦମାସୀ ପାକିସ୍ତାନର ବଦଲା ନେଇଛି ଭାରତ । ରବିବାର ଏଲଓସି ଅଞ୍ଚଳର ନୌସେରା ସେକ୍ଟରରେ ପାକିସ୍ତାନ ଅସ୍ତ୍ରବିରତି ଉଲ୍ଲଂଘନ କରିଥିଲା । ଘଟଣା ବିଷୟରେ ଖବର ପାଇବା ପରେ ଜବାବ ଦେଇଛି ଭାରତ । ଭାରତୀୟ ଯବାନଙ୍କ ଗୁଳିରେ ପାକିସ୍ତାନର ୩ ସୈନିକ ନିହତ ହୋଇଥିବା ବେଳେ ଅଧିକାଂଶ ଆହତ ହୋଇଥିବା ସୂଚନା ରହିଛି ।

ସୂଚନା ମୁତାବକ, ରବିବାର ଏଲଓସିରେ ପାକିସ୍ତାନ ସେନା ନିଜପଟୁ ଅସ୍ତ୍ରବିରତି ଉଲ୍ଲଂଘନ କରିଥିଲା । ନାସୌରୀ ସେକ୍ଟରକୁ ଟାର୍ଗେଟ କରିବା ସହ ଗୁଳିମାଡ କରିଥିଲା ପାକ୍ । ଖବର ପାଇବା ପରେ ଭାରତୀୟ ସେନା ଏହାର ଦୃଢ ଜବାବ ଦେଇଛି । ଯବାନଙ୍କସ ଗୁଳିରେ ପାକିସ୍ତାନର ୩ ସୈନିକ ନିହତ ହେବା ସହ ଅନେକ ଆହତ ହୋଇଥିବା ଜଣାପଡିଛି । ସେହିପରି ପାକିସ୍ତାନର ଚାରୋଟି ଆଉଟପୋଷ୍ଟକୁ ଗୁଳିମାଡ କରି ଉଡାଇ ଦେଇଛନ୍ତି ଭାରତୀୟ ଜବାନ ।