କୁମ୍ଭମେଳାରେ ଦଳାଚକଟା ଘଟଣା: ଆଜି ଘଟଣାସ୍ଥଳ ପରିବର୍ଶନ କରିବେ ୩ ସଦସ୍ୟ ବିଶିଷ୍ଟ ବିଚାର ବିଭାଗୀୟ କମିଶନ

ନନ୍ଦିଘୋଷ ବ୍ୟୁରୋ: ଉତ୍ତରପ୍ରଦେଶ ପ୍ରୟାଗରାଜ କୁମ୍ଭମେଳାରେ ଦଳାଚକଟା ଘଟଣା। ଆଜି ଘଟଣାସ୍ଥଳ ପରିବର୍ଶନ କରିବେ ୩ ସଦସ୍ୟ ବିଶିଷ୍ଟ ବିଚାର ବିଭାଗୀୟ କମିଶନ। ଦଳାଚକଟା ଘଟଣା ପରେ ଆହ୍ଲାବାଦ ହାଇକୋର୍ଟର ଅବସରପ୍ରାପ୍ତ ବିଚାରପତି ଜଷ୍ଟିସ ହର୍ଷ କୁମାରଙ୍କ ନେତୃତ୍ବରେ ଗଠିତ ହୋଇଥିଲା କମିଶନ। ଘଟଣାର ତଦନ୍ତ କରିବା ପରେ ଏକ ମାସ ମଧ୍ୟରେ ସରକାରଙ୍କୁ ରିପୋର୍ଟ ଦେବ କମିଶନ। ଏହି କମିଟିରେ ଥିବା ଅନ୍ୟ ସଦସ୍ୟମାନେ ହେଉଛନ୍ତି ପୂର୍ବତନ ଡିଜିପି ଭି.କେ. ଗୁପ୍ତା, ଅବସରପ୍ରାପ୍ତ ଆଇଏଏସ ଅଫିସର ଡି.କେ. ସିଂ। ଏହି କମିଟି ଘଟଣାସ୍ଥଳକୁ ଯାଇ ବିଭିନ୍ନ ଦିଗରୁ ଯାଞ୍ଚ କରିବା ସହ କାହିଁକି ଅଘଟଣ ଘଟିଲା ତାହାର ଅନୁଧ୍ୟାନ କରିବେ।

କାହିଁକି ଏହି ଅଘଟଣ ଘଟିଲା ତାହାର ପ୍ରଥମେ ଯାଞ୍ଚ କରିବ କମିଶନ। ବୁଧବାର ଘଟିଥିବା ଦଳାଚକଟା ଘଟଣାରେ ୩୦ ଶ୍ରଦ୍ଧାଳୁଙ୍କ ମୃତ୍ୟୁୁ ଘଟିଥିବାବେଳେ ୬୦ରୁ ଅଧିକ ଭକ୍ତ ଆହତ ହୋଇଥିଲେ। ମୌନି ଅମାବାସ୍ୟାରେ ବୁଡ ପକାଇବା ପବିତ୍ର ସାବ୍ୟସ୍ତ ହୋଇଥିବାରୁ ଲକ୍ଷ ଲକ୍ଷ ଭକ୍ତଙ୍କ ଭିତରେ ପ୍ରତିଯୋଗିତା ଚାଲିବାରୁ ଏହି ଅଘଟଣ ଘଟିଥିଲା।