ଭୁବନେଶ୍ୱର: ସରିଲା ଭକ୍ତଙ୍କ ଅପେକ୍ଷା। ଆଜିଠୁ ରାଜ୍ୟରେ ଖୋଲିଛି ବିଭିନ୍ନ ଧର୍ମାନୁଷ୍ଠାନ। ସରକାରଙ୍କ ଅନୁମତି ପରେ ଖୋଲୁଛି ବିଭିନ୍ନ ମନ୍ଦିର। ଏନେଇ ସ୍ୱତନ୍ତ୍ର ଏସଓପି ମଧ୍ୟ ଜାରି ହୋଇଛି। ମନ୍ଦିରରେ ପ୍ରସାଦ ନେବା ମନା ହୋଇଛି। ଏହାସହିତ ସାମାଜିକ ଦୂରତାରେ ଭକ୍ତ ଦର୍ଶନ କରିବେ। ପଶ୍ଚିମ ଓଡ଼ିଶାର ଅଧିଷ୍ଠାତ୍ରୀ ଦେବୀ ମା ସମଲେଶ୍ୱରୀଙ୍କୁ ଆଜିଠୁ ଭକ୍ତ ଦର୍ଶନ କରୁଛନ୍ତି। ଦୀର୍ଘଦିନ ପରେ ମନ୍ଦିର ଖୋଲିଥିବାରୁ ଭକ୍ତଙ୍କ ମଧ୍ୟରେ ଉତ୍ସାହ ଦେଖାଦେଇଛି। ତେବେ ମନ୍ଦିର ଭିତରକୁ ଭୋଗ, ଫୁଲ, ଦୀପ ନେବାକୁ ବାରଣ କରାଯାଇଛି। ସେପଟେ ଆସନ୍ତାକାଲିଠୁ ଖୋଲିବ ଯାଜପୁରର ଅଧିଷ୍ଠାତ୍ରୀ ଦେବୀ ମା ବିରଜାଙ୍କ ମନ୍ଦିର। ଏଥିପାଇଁ ଜିଲ୍ଲା ପ୍ରଶାସନ ଅନୁମତି ଦୋଇଛି। ଅନ୍ୟପଟେ ପୁରୀ ଶ୍ରୀମନ୍ଦିର ଖୋଲିବା ନେଇ ଖୁବଶୀଘ୍ର ଆସିପାରେ ନିଷ୍ପତ୍ତି। ଆସନ୍ତାକାଲି ମନ୍ଦିର ପ୍ରଶାସନ ଏନେଇ ବୈଠକ କରିବ। ବୈଠକରେ ଜଗା ଦୁଆର ଖୋଲିବା କିଛି ନିଷ୍ପତ୍ତି ଆସିପାରେ। ପୁରୀରେ ଶ୍ରୀମନ୍ଦିର ବ୍ୟତୀତ ଅନ୍ୟ ମନ୍ଦିର ଖୋଲିବାକୁ ଜିଲ୍ଲା ପ୍ରଶାସନ ତରଫରୁ ଅନୁମତି ମିଳିଛି।
