ଲକ୍ଷ୍ନୌରେ ATSର ବଡ଼ ଅପରେସନ୍: ଗିରଫ ହେଲେ ୨ ଆତଙ୍କବାଦୀ ସନ୍ଦିଗ୍ଧ
1 min read
ଲକ୍ଷ୍ନୌ: ଉତ୍ତରପ୍ରଦେଶ ଲକ୍ଷ୍ନୌ ୨ସନ୍ଦିଗ୍ଧ ଆତଙ୍କବାଦୀ ଗିରଫ । ୨ଆତଙ୍କବାଦୀଙ୍କୁ ଗିରଫ କରିଛି ଲକ୍ଷ୍ନୌ-ୟୁପି ଆଣ୍ଟି ଟେରୋରିଜିମ୍ ସ୍କାଡ୍ । ଗିରଫ ୨ ସନ୍ଦିଗ୍ଧଙ୍କର ଆଲକାଏଦା ଆତଙ୍କବାଦୀ ସଂଗଠନ ସହ ସମ୍ପୃକ୍ତି ରହିଥିବା ସନ୍ଦେହ କରାଯାଉଛି । ରାଜଧାନୀ ଲକ୍ଷ୍ନୌରେ ଆତଙ୍କବାଦୀ ଲୁଚି ରହିଥିବା ଖବରପାଇଁ ଆଣ୍ଟି ଟେରୋରିଜମ୍ ସ୍କାଡ୍ ଚଢ଼ାଉ କରିଥିଲା । କାକୋରା ଥାନା ଅଧୀନ ମୁସଲିମ ବହୁଳ ଅଞ୍ଚଳ ଠାକୁରଗଞ୍ଜରେ ଥିବା ଏକ କୋଠାରୁ ଦୁଇ ଆତଙ୍କବାଦୀଙ୍କୁ ଗିରଫ କରାଯାଇଛି। ସେଠାରେ ଆଖପାଖ ଘର ଖାଲି କରାଯିବା ସହ ଘଟଣାସ୍ଥଳରେ ବୋମା ନିଷ୍କ୍ରୀୟକାରୀ ଦଳ ପହଞ୍ଚିଥିଲା । ଆଣ୍ଟି ଟେରୋରିଜ୍ ସ୍କାଡ୍ ପକ୍ଷରୁ ଏବେ ବି ବିଭନ୍ନ ସ୍ଥାନରେ ସର୍ଚ୍ଚ ଅପରେସନ ଜାରି ରହିଛି । ଗିରଫ ୨ ସନ୍ଦିଗ୍ଧ ପାକିସ୍ତାନୀ ହ୍ୟାଣ୍ଡଲର ବୋଲି କୁହାଯାଉଛି । ୨ ଜଣଙ୍କୁ ATS ପଚରାଉଚରା କରୁଥିବା ବେଳେ ସେମାନଙ୍କୁ ଗିରଫ କରାଯାଇଥିବା ବିଲ୍ଡିଂରୁ କେତେକ ଜରୁରୀ କାଗଜପତ୍ର କମାଣ୍ଡୋଙ୍କ ହାତରେ ଲାଗିଥିବା ସୂଚନା ରହିଛି ।
ଏଥିସହିତ ପଢ଼ନ୍ତୁ: ଭାଜପା ରାଷ୍ଟ୍ରୀୟ ଅଧ୍ୟକ୍ଷଙ୍କୁ ଭେଟିବେ ଦିଲ୍ଲୀପ ଘୋଷ: ଦଳୀୟ ଅସ୍ତନ୍ତୋଷ ନେଇ ହୋଇପାରେ ଆଲୋଚନା
