ଆଫଗାନିସ୍ତାନର ନୂଆ ରାଷ୍ଟ୍ରପତି ମୁଲ୍ଲା ବାରାଦାର କିଏ ? ତାଲିବାନରେ କେତେ ଶକ୍ତିଶାଳୀ ?

1 min read

କାବୁଲ: ସୋମବାର ୨୦ ବର୍ଷ ଧରି ଚାଲିଆସୁଥିବା ଯୁଦ୍ଧର ସମାପ୍ତି ଘୋଷଣା କରିଛି ତାଲିବାନ । କାବୁଲରେ ରାଷ୍ଟ୍ରପତି ଭବନ ଉପରେ ତାଲିବାନ ସୈନ୍ୟମାନେ କବ୍‌ଜା କରିସାରିଛନ୍ତି । ଏଥିସହିତ ନିଜ ବିଜୟ ଘୋଷଣା କରିସାରିଛି ତାଲିବାନ । ବର୍ତ୍ତମାନ ଆଫଗାନିସ୍ତାନର ପ୍ରାୟ ବଡ଼ ସହରରୁ ଆମେରିକୀୟ ସେନା ଫେରିସାରିଛି । ତେବେ ମିଳିଥିବା ତଥ୍ୟ ମୁତାବକ ସଂଗଠନ ମୁଖ୍ୟ ମୁଲ୍ଲା ଅବଦୁଲ୍ ଘନି ବାରାଦାର ଦେଶର ନୂଆ ରାଷ୍ଟ୍ରପତି ହୋଇପାରିନ୍ତି ।

ବାରାଦାରଙ୍କ ଜନ୍ମ ଊରୁଜଗାନ୍ ପ୍ରାନ୍ତରେ ୧୯୬୮ ମସିହାରେ ହୋଇଥିଲା । ବାରାଦାର ହେଉଛନ୍ତି ତାଲିବାନର କୋ ଫାଉଣ୍ଡର । ହେବତୁହ୍ଲା ଅଖୁନ୍ଦଜାଦାଙ୍କ ପରେ ତାଲିବାନରେ ବାରାଦାର ଦ୍ୱିତୀୟ ନମ୍ୱର ନେତା । ୨୦୧୦ରେ ବାରାଦାରକୁ ଆଇଏସ୍‌ଆଇ କରାଚିରୁ ଗିରଫ କରିଥିଲା । ଆମେରିକାର ଅନୁରୋଧ ପରେ ତାକୁ ୨୦୧୮ରେ ଛାଡ଼ିଦେଇଥିଲା । ବର୍ତ୍ତମାନ ସମୟରେ ବାରାଦାର ତାଲିବାନର ଚର୍ଚ୍ଚିତ ଚେହେରା । କିଛି ମିଡିଆ ରିପୋର୍ଟ ମୁତାବକ ରବିବାର ଦୋହାରୁ କାବୁଲ ପହଞ୍ଚିସାରିଛି । କାବୁଲ ଉପରେ କବ୍‌ଜା ପରେ ଏକ ଭିଡିଓ ସନ୍ଦେଶରେ ତାଲିବାନ ନେତା କହିଛନ୍ତି ଯେ, ବର୍ତ୍ତମାନ ସଂଗଠନର ଅସଲି ପରୀକ୍ଷା ଆରମ୍ଭ ହେବ । କାହିଁକି ସେମାନଙ୍କୁ ଦେଶବାସୀଙ୍କ ସେବା କରିବାର ଅଛି । ବାରାଦାର ୧୯୮୦ ମସିହାରେ ସୋଭିଏତ ସେନା ବିରୋଧରେ ଆଫଗାନ ମୁଜାହିଦ୍ଦିନ୍ରେ ଲଢ଼େଇ କରିଥିଲା । ୧୯୯୨ ବାରାଦାର ନିଜ ପୂର୍ବ କମାଣ୍ଡର ଏବଂ ସମ୍ପର୍କୀୟ ମହମ୍ମଦ ଉମରଙ୍କ ସହ ମିଶି କାନ୍ଧାରରେ ଏକ ମାଦ୍ରାସା ସ୍ଥାପନ କରିଥିଲେ ।

ମହମ୍ମଦ ଉମର ଏବଂ ବାରାଦାର ମିଶିକରି ୧୯୯୪ ମସିହାରେ ତାଲିବାନର ସ୍ଥାପନା କରିଥିଲେ । ସର୍ଦ୍ଦାରମାନଙ୍କ ମଧ୍ୟରେ ବଢ଼ୁଥିବା ତିକ୍ତତା ଏବଂ ପାକିସ୍ତାନର ଗୁଇନ୍ଦା ଏଜେନ୍ସି ଆଇଏସ୍ଆଇର ସମର୍ଥନ କାରଣରୁ ତାଲିମାନ ୧୯୯୬ରେ ଜଣଙ୍କ ପରେ ଜଣେ ପ୍ରାନ୍ତିୟ ରାଜଧୀନ ଉପରେ କବ୍‌ଜା ପରେ ଆଫଗାନିସ୍ତାନ ଉପରେ କବ୍‌ଜା କରିଥିଲେ । ମୁଲ୍ଲା ଉମର ପରେ ସେ ଦ୍ୱିତୀୟ ପାଓ୍ୱାରଫୁଲ ନେତା । ସେ ନିଜ ରଣନୀତି ନେଇ ବେଶ୍ ପରିଚିତ ।

ଏଥିସହିତ ପଢ଼ନ୍ତୁ: ଗୁମ୍ଫାରୁ ୬ଲଢୁଆ ବିମାନ ଲୁଟି କାବୁଲ ଅଧିକାର କରିବା ପରେ ତାଲିବାନ ଜଣେ ରାଷ୍ଟ୍ରପତିଙ୍କୁ ପିଟିପିଟି ମାରି ଦେଇଥିଲା !

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.