ଗାଧୋଇବାବେଳେ ବୁଡ଼ି ଗଲେ ଛାତ୍ର

ନନ୍ଦିଘୋଷ ବ୍ୟୁରୋ: ଭୀମକୁଣ୍ଡରେ ଅଘଟଣ । ଗାଧୋଇବାବେଳେ ବୁଡ଼ି ଛାତ୍ର ନିଖୋଜ । ନିଖୋଜ ଛାତ୍ର ହେଲେ ଜଗତସିଂହପୁର ଜିଲ୍ଲା ବାଲିକୁଦାର ଡିପ୍ଲୋମା ଛାତ୍ର ବିଶ୍ବଜିତ ଦାସ । ସେ ଡିପ୍ଲୋମା ପଢୁଥିବା ବେଳେ ଜ୍ୟୋତି ମୋଟର୍ସ ରେ ଅସ୍ଥାୟୀ ଭାବେ କାମ କରୁଥିଲେ । ଭୁବନେଶ୍ୱର ଜ୍ୟୋତି ମୋଟର୍ସରୁ ୧୫-୧୭ ଜଣ ଏକ ଟ୍ରାଭେଲର୍ ଯୋଗେ ପିକନିକ ପାଇଁ ଭୀମକୁଣ୍ଡ ଆସିଥିଲେ । ସ୍ୱାତୀଘାଟ ଏବଂ ସାନ କୁଣ୍ଡ ମଝିରେ ଗାଧୋଉଥିବାବେଳେ ହଠାତ ବିଶ୍ବଜିତଙ୍କ ଗୋଡ଼ ଖସିଯାଇଥିଲା । ଅଗ୍ନିଶମ ବାହିନୀ ଖୋଜାଖୋଜି କରିଥିଲେ ମଧ୍ଯ ତାଙ୍କର ପତ୍ତା ମିଳନାହିଁ । ଆସନ୍ତାକାଲି ଓଡ୍ରାଫ ଟିମ ଆସି ଖୋଜାଖୋଜି କରିବେ ବୋଲି ସୂଚନା ଦେଇଛନ୍ତି ଠାକୁରମୁଣ୍ଡା ଥାନା ଏଏସଆଇ ରତ୍ନାକର ବାରିକ ।