କନ୍ଧମାଳ ଓ ବୌଦ୍ଧ ଜିଲ୍ଲାରେ ନୂଆ ବିଜେଡି କମିଟି

ଭୁବନେଶ୍ୱର: କନ୍ଧମାଳ ଓ ବୌଦ୍ଧ ଜିଲ୍ଲା ବିଜେଡି କମିଟି ପୁର୍ନଗଠନ କରାଯାଇଛି । ଉଭୟ ଜିଲ୍ଲା ବିଜେଡି ସଭାପତି ଓ ଦଳର ସଭାପତି ନବୀନ ପଟ୍ଟନାୟକଙ୍କ ଅନୁମୋଦନ କ୍ରମେ ନୂତନ କର୍ମକର୍ତ୍ତାଙ୍କୁ ନିଯୁକ୍ତି ଦିଆଯାଇଛି । ଏନେଇ ପ୍ରେସ୍ ଇସ୍ତାହାର ପ୍ରକାଶ କରିଛନ୍ତି ସାଧାରଣ ସମ୍ପାଦକ (ଗଣମାଧ୍ୟମ ବ୍ୟାପାର) ମାନସ ରଞ୍ଜନ ମଙ୍ଗରାଜ ।

୮ ଜଣଙ୍କୁ ଜିଲ୍ଲା ଉପସଭାପତି ଭାବେ ନିଯୁକ୍ତ କରାଯାଇଥିବା ବେଳେ ୧୨ ଜଣଙ୍କୁ ସାଧାରଣ ସମ୍ପାଦକ, ୧୬ ଜଣଙ୍କୁ ସମ୍ପାଦକ, ଯୁଗ୍ମ ସମ୍ପାଦକ ଭାବେ ୧୩ ଜଣଙ୍କୁ ନିଯୁକ୍ତ କରାଯାଇଛି । ସେହିଭଳି କୋଷାଧ୍ୟକ୍ଷ ଭାବେ ପ୍ରଶାନ୍ତ କୁମାର ସାହୁଙ୍କୁ, ଡିଜିଟାଲ ସାଧାରଣ ସମ୍ପାଦକ ଭାବେ ରାଜେନ୍ଦ୍ର ପାଢ଼ୀଙ୍କୁ, ଡିଜିଟାଲ ସମ୍ପାଦକ ସ୍ୱସ୍ତିକ ପାତ୍ର ଓ ଡିଜିଟାଲ ଯୁଗ୍ମ ସମ୍ପାଦକ ଭାବେ ବାଦଲ କୁମାର ସାହୁଙ୍କୁ ନିଯୁକ୍ତ କରାଯାଇଛି ।

ସେହିଭଳି ବୌଦ୍ଧ ଜିଲ୍ଲା ଉପସଭାପତି ଭାବେ ୬ ଜଣଙ୍କୁ ଜିଲ୍ଲା ଉପସଭାପତି ଭାବେ ନିଯୁକ୍ତ କରାଯାଇଥିବା ବେଳେ ୬ ଜଣଙ୍କୁ ସାଧାରଣ ସମ୍ପାଦକ, ୫ ଜଣଙ୍କୁ ସମ୍ପାଦକ, ଜିଲ୍ଲା କାର୍ଯ୍ୟକାରିଣୀ ସଦସ୍ୟ ଭାବେ ୧୯ ଜଣଙ୍କୁ ନିଯୁକ୍ତ କରାଯାଇଛି । ସେହିଭଳି କୋଷାଧ୍ୟକ୍ଷ ଭାବେ ଲିଙ୍ଗରାଜ ମଲିକଙ୍କୁ, ସୋସିଆଲ୍ ମିଡିଆ ଲାଗି ପ୍ରଦୀପ ଅଗ୍ରୱାଲଙ୍କୁ ନିଯୁକ୍ତ କରାଯାଇଛି ।