ଆମେରିକା ରାଷ୍ଟ୍ରପତି ନିର୍ବାଚନ, ଉପରାଷ୍ଟ୍ରପତି ପ୍ରାର୍ଥୀ କମଲା ହ୍ୟାରିସ୍ଙ୍କ ପାଇଁ ଭାରତରେ ପୂଜାର୍ଚ୍ଚନା
1 min read
ଆମେରିକା: ଆମେରିକାରେ ଚାଲିଛି ରାଷ୍ଟ୍ରପତି ନିର୍ବାଚନ । ଟ୍ରମ୍ପ-ବିଡେନ୍ଙ୍କ ମଧ୍ୟରେ ଜୋରଦାର ଟକ୍କାର । ହେଲେ ଭାରତରେ ଡେମୋକ୍ରାଟିକ୍ ଉପରାଷ୍ଟ୍ରପତି ପ୍ରାର୍ଥୀ କମଲା ହ୍ୟାରିସଙ୍କ ପାଇଁ ଚାଲିଛି ପୂଜାର୍ଚ୍ଚନା । ଭାରତର ତିରୁବନ୍ତପୁରମ ଥିରୁବୁରୁରେ କିନ୍ତୁ ଦେଖିବାକୁ ମିଳିଛି ଉତ୍ସାହ । ଆମେରିକା ଉପରାଷ୍ଟ୍ରପତି ନିର୍ବାଚନ ଦୌଡରେ ଅଛନ୍ତି ଏଠାକାର ବାସିନ୍ଦା କମଲା ହ୍ୟାରିସ୍ । ଆମେରିକାରେ ପ୍ରବାସୀଙ୍କ ପକ୍ଷରୁ ସେ ଏଥର ଉପରାଷ୍ଟ୍ରପତି ନିର୍ବାଚନ ଲଢୁଛନ୍ତି । ତାଙ୍କର ବିଜୟ ପାଇଁ ପରିବାର ଲୋକେ ମନ୍ଦିରରେ ପୂଜାର୍ଚ୍ଚନା କରିଥିବା ଦେଖିବାକୁ ମିଳିଛି ।
କମଲା ହ୍ୟାରିସ୍ ଏଥର ନିର୍ବାଚନରେ ବିଜୟୀ ହେବେ ବୋଲି ପରିବାର ଲୋକ ଆଶା ରଖିଛନ୍ତି । ଥିରୁବୁର ଜିଲ୍ଲାର ଥୁଲସେନ୍ଦ୍ରପୁରମରେ ତାଙ୍କ ସଫଳତା କାମନା କରି ବିଭିନ୍ନ ସ୍ଥାନରେ ପୋଷ୍ଟର ଲଗାଯାଇଛି । ଏଥର ନିର୍ବାଚନରେ ଡେମୋକ୍ରାଟିକ ପାର୍ଟିର ବିଜୟ ପାଇଁ ଲୋକେ ପ୍ରାର୍ଥନା କରୁଛନ୍ତି । କମଳା ହ୍ୟାରିସଙ୍କ ମାଆ ଶ୍ୟାମଳା ଗୋପାଳନ ଚେନ୍ନାଇରେ ଜନ୍ମ ଗ୍ରହଣ କରିଥିଲେ । ୧୯୬୦ରେ ସେ ଭାରତ ଛାଡ଼ି ଆମେରିକାରେ ବସବାସ ଆରମ୍ଭ କରିଥିଲେ । ତାଙ୍କ ପିତା ଡୋନାଲ୍ଡ ହ୍ୟାରିସ୍ ଜଣେ ଅର୍ଥଶାସ୍ତ୍ରଜ୍ଞ ଥିଲେ । ସେ ଜାମାଇକାରୁ ଆମେରିକା ଆସିଥିଲେ । ନିର୍ବାଚନ ପାଇଁ ପ୍ରଥମ ଡିବେଟ୍ରେ କମଳା ହ୍ୟାରିସ୍ ନଜକୁ ଭାରତୀୟ ବୋଲି ପରିଚୟ ଦେଇଥିଲେ ।
