ଇଂଲଣ୍ଡ ଟେଷ୍ଟ ଦଳର ଅଧିନାୟକ ପଦ ଛାଡ଼ିଲେ ଜୋ ରୁଟ୍
1 min read
ଲଣ୍ଡନ: ଇଂଲଣ୍ଡ ଟେଷ୍ଟ ଦଳର ଅଧିନାୟକ ପଦ ଛାଡ଼ିବାକୁ ଘୋଷଣା କରିଛନ୍ତି ଜୋ ରୁଟ୍ । ୫ ବର୍ଷ ଇଂଲଣ୍ଡ ଟେଷ୍ଟ ଦଳର ନେତୃତ୍ବ ନେଇଥିଲେ ଜୋ ରୁଟ୍ । ଗତ ଆସେସ୍ ସିରିଜରେ ଇଂଲଣ୍ଡର ଲଜ୍ଜାଜନକ ପରାଜୟ ପରେ ଅଧିନାୟକ ପଦ ଛାଡ଼ିବା ପାଇଁ ତାଙ୍କ ଉପରେ ଚାପ ପଡ଼ୁଥିଲା । ଅଷ୍ଟ୍ରେଲିଆଠାରୁ ୪-୦ରେ ଆସେସ୍ ସିରିଜ ହାରିଥିଲା ଇଂଲଣ୍ଡ । ଗତମାସରେ ଓ୍ୱେଷ୍ଟଇଣ୍ଡିଜ ଗସ୍ତରେ ମଧ୍ୟ ଟେଷ୍ଟ ସିରିଜ୍ ୧-୦ରେ ହାରିଥିଲା ଇଂଲଣ୍ଡ । ଆଲିଷ୍ଟର କୁକଙ୍କ ପରେ ୨୦୧୭ରେ ଇଂଲଣ୍ଡ ଦଳର ଟେଷ୍ଟ ଅଧିନାୟକ ହୋଇଥିଲେ ଜୋ ରୁଟ୍ । ୨୭ଟି ଟେଷ୍ଟରେ ବିଜୟ ସହ ୩୧ ବର୍ଷିୟ ରୁଟ୍ ଇଂଲଣ୍ଡର ସବୁଠାରୁ ସଫଳ କ୍ୟାପଟେନ ହୋଇଛନ୍ତି । ଆଲିଷ୍ଟର କୁକଙ୍କ ପରେ ଜୋ ରୁଟ୍ ହେଉଛନ୍ତି ଇଂଲଣ଼୍ଡର ଦ୍ୱିତୀୟ ସର୍ବାଧିକ ରନ ସ୍କୋରର ।
