ଝାଡ଼ଖଣ୍ଡ: ବିଧାନସଭାରେ ସୋରେନ ଲୋଡ଼ିବେ ଆସ୍ଥା ଭୋଟ୍
ରାଞ୍ଚି: ଆଜି ଝାଡ଼ଖଣ୍ଡ ବିଧାନସଭାର ସ୍ବତନ୍ତ୍ର ଅଧିବେଶନ । ଅଧିବେଶନ ଉପରେ ସମସ୍ତଙ୍କର ରହିଛି ନଜର । ଗୃହରେ ଆସ୍ଥାଭୋଟ ଲୋଡିବେ ମୁଖ୍ୟମନ୍ତ୍ରୀ ହେମନ୍ତ ସୋରେନ । ରାଜ୍ୟପାଳ ରମେଶ ବୈଶଙ୍କ ନିଷ୍ପତ୍ତି ନେଇ ସସପେନ୍ସ ଜାରି ରହିଥିବା ବେଳେ ଆସ୍ଥା ଭୋଟର ସମ୍ମୁଖୀନ ହେବେ ହେମନ୍ତ । ଗତକାଲି ସନ୍ଧ୍ୟାରେ ଛତିଶଗଡ଼ ରାୟପୁରରେ ଡେରା ପକାଇଥିବା ଜେଏମଏମ, କଂଗ୍ରେସ ଓ ଆରଜେଡିର ବିଧାୟକମାନେ ରାଞ୍ଚି ଫେରିଛନ୍ତି ।
ଘୋଡାବେପାର ରୋକିବା ଲାଗି ସମସ୍ତ ବିଧାୟକଙ୍କୁ ରଖାଯାଇଥିଲା କଡ଼ା ନଜରରେ । ରାଜ୍ୟକୁ ରାଜନୈତିକ ଅସ୍ଥିରତା ଭିତରକୁ ଠେଲି ଦେବା ଲାଗି ବିଜେପି ଉଦ୍ୟମ କରୁଥିବା ନେଇ ମହାଗଠବନ୍ଧନ ଅଭିଯୋଗ କରିଆସୁଛି । ୮୧ ଆସନ ବିଶିଷ୍ଟ ଝାଡ଼ଖଣ୍ଡ ବିଧାନସଭାରେ ମେଣ୍ଟର ୪୯ ବିଧାୟକ ଥିବା ବେଳେ ବିଜେପିର ଅଛନ୍ତି ୨୬ ବିଧାୟକ ।
