ନନ୍ଦିଘୋଷ ବ୍ୟୁରୋ: ଭାରତ-ପାକ୍ ମଧ୍ୟରେ ମଧ୍ୟସ୍ଥତା କରିବାକୁ ଇରାନର ପ୍ରସ୍ତାବ। ପହଲଗାଁଓ ଆକ୍ରମଣ ପରେ ଦୁଇ ଦେଶ ମଧ୍ୟରେ ଉତ୍ତେଜନା ବୃଦ୍ଧି ପାଇଛି। ଏପରିକି ଯେକୌଣସି ମୁହୂର୍ତ୍ତିରେ ଯୁଦ୍ଧ ବି ଲାଗି ଯାଇପାରେ। ଏହାକୁ ନେଇ ଇରାନ ମଧ୍ୟସ୍ଥତାର ପ୍ରସ୍ତାବ ଦେଇଛି । ଇରାନର ବୈଦେଶିକ ମନ୍ତ୍ରୀ ସୟିଦ ଆବାସ ଆରାଘଚି କହିଛନ୍ତି, ଏହି ଅଞ୍ଚଳରେ ଶାନ୍ତି ଏବଂ ସ୍ଥିରତା ରହିବା ଉଚିତ।
ଭାରତ ଏବଂ ପାକିସ୍ତାନ ଇରାନର ପଡ଼ୋଶୀ। ଏହି କଠିନ ପରିସ୍ଥିତି ସମୟରେ ଇସଲାମାବାଦ ଏବଂ ନୂଆଦିଲ୍ଲୀ ମଧ୍ୟରେ ପୁଣି ଥରେ ଶାନ୍ତି ଫେରାଇ ଆଣିବା ଦିଗରେ କାମ କରିବାକୁ ଇରାନ ପ୍ରସ୍ତୁତ ବୋଲି ସେ କହିଛନ୍ତି। ତେବେ ଭାରତର କଡ଼ା ଆଭିମୁଖ୍ୟକୁ ଦେଖି ଲାଗୁନି ନୂଆଦିଲ୍ଲୀ ଏବେ ବୁଝାମଣା ମୁଡରେ ଅଛି।
