ଏପର୍ଯ୍ୟନ୍ତ ୫ଟି ମ୍ୟାଚ ଜିତି ପଏଣ୍ଟ ଟେବୁଲରେ ଏକ ନମ୍ବରରେ ଦିଲ୍ଲୀ

ଦୁବାଇ: ଇଣ୍ଡିଆନ ପ୍ରିମିୟର ଲିଗର ୧୩ତମ ସିଜନରେ ଶୁକ୍ରବାର ଖେଳାଯାଇଛି ।  ମ୍ୟାଚରେ ଦିଲ୍ଲୀ କ୍ୟାପିଟାଲ ରାଜସ୍ଥାନ ରୟାଲ୍ସ ଉପରେ ଏକପାଖିଆ ବିଜୟ ହାସଲ କରିଛି । ଦିଲ୍ଲୀ ରାଜସ୍ଥାନ ୨୦ ଓଭରରେ ୧୮୫ ରନ୍ କରି ରାଜସ୍ଥାନକୁ ଚ୍ୟାଲେଞ୍ଜ କରିଥିଲା, କିନ୍ତୁ ରାଜସ୍ଥାନ ଟିମ୍ ୧୯.୪ ଓଭରରେ ୧୩୮ ରନ୍ କରି ଅଲଆଉଟ ହୋଇଯାଇଥିଲା ।  ଦିଲ୍ଲୀ କ୍ୟାପିଟାଲ୍ ୪୬ ରନରେ ବିଜୟୀ ହୋଇଥିଲା ।

ଟୁର୍ଣ୍ଣାମେଣ୍ଟରେ ଏହା ରାଜସ୍ଥାନ ରୟାଲ୍ସର କ୍ରମାଗତ ଚତୁର୍ଥ ପରାଜୟ । ଏଥି ସହିତ ଦିଲ୍ଲୀ ଏପର୍ଯ୍ୟନ୍ତ ଖେଳାଯାଇଥିବା ୬ଟି ମ୍ୟାଚରେ ପଞ୍ଚମ ବିଜୟ ହାସଲ କରି ପଏଣ୍ଟ ଟେବୁଲରେ ଏକ ନମ୍ବର ସ୍ଥାନ ଅଧିକାର କରିଛି ।

ଦିଲ୍ଲୀ ପକ୍ଷରୁ ସିମରନ ହେତମେୟାର ସର୍ବାଧିକ ୪୫ ଓ ମାର୍କସ ଷ୍ଟୋନିସ୍ ୩୯ ରନ କରିଥିଲେ ।  ୧୮୫ ରନର ବିଜୟ ଲକ୍ଷ୍ୟ ନେଇ ପଡିଆକୁ ଓହ୍ଲାଇଥିବା ରାଜସ୍ଥାନର ବ୍ୟାଟ୍ସମ୍ୟାନମାନଙ୍କ ପ୍ରଦର୍ଶନ ନୈରାଶଜନକ ଥିଲା । ଦଳ ପକ୍ଷରୁ ଷ୍ଟିଭେନ ସ୍ମିଥ ୨୪ ରନ୍, ଯସଶ୍ୱୀ ରାହୁଲ ତେୱତିଆ ୩୮ ରନ୍  ଓ ଜୟଶ୍ୱାଲ ୩୪ କରିଥିଲେ ମଧ୍ୟ ରାଜସ୍ଥାନ ୧୩୮ ରନ କରି ସମସ୍ତ ୱିକେଟ୍ ହରାଇଥିଲା । ଏହି  ବିଜୟ ସହ ଦିଲ୍ଲୀ ପଏଣ୍ଟ ଟେବୁଲର ଶୀର୍ଷ ସ୍ଥାନ ହାସଲ କରିଛି ।