ଆରସିବିକୁ ୫୯ ରନ୍ରେ ହରାଇ ତାଲିକାର ପ୍ରଥମ ସ୍ଥାନରେ ଦିଲ୍ଲୀ
ଦୁବାଇ: ଆଇପିଏଲ୍ ଲଢେଇରେ ଦିଲ୍ ଜିତିଲା ଦିଲ୍ଲୀ । ଆଇପିଏଲ୍ ୨୦୨୦ ରେ ସୋମବାରର ଖେଳାଯାଇଥିବା ମ୍ୟାଚରେ ବିରାଟଙ୍କ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ୫୯ ରନରେ ପରାସ୍ତ ହୋଇଛି। ଗତକାଲି ଆଇପିଏଲ୍ର ୧୯ତମ ମ୍ୟାଚ୍ରେ ଆର୍ସିବିକୁ ୫୯ ରନ୍ରେ ପରାସ୍ତ କରିଛି ଦିଲ୍ଲୀ କ୍ୟାପିଟାଲ୍ସ । ଏହା ସହିତ ପଏଣ୍ଟ୍ ତାଲିକାର ପ୍ରଥମ ସ୍ଥାନ ପହଞ୍ଚିଛି ଦିଲ୍ଲୀ । ପ୍ରଥମେ ବ୍ୟାଟି୍ଂ କରି ଆରସିବିକୁ ୧୯୭ ରନ୍ର ବିଜୟ ଲକ୍ଷ୍ୟ ଦେଇଥିଲା ଦିଲ୍ଲୀ କ୍ୟାପିଟାଲ୍ସ ।
ବାଙ୍ଗାଲୋର ଯଦିଓ ଆରମ୍ଭରୁ ଭଲ ଖେଳିଥିଲା କିନ୍ତୁ ଦଳର କୌଣସି ବି ବ୍ୟାଟ୍ସମ୍ୟାନ୍ ବଡ଼ ଇନିଂସ ଖେଳି ପାରି ନଥିଲେ । ଏବଂ ନିୟମିତ ବ୍ୟବଧାନରେ ୱିକେଟ୍ ହରାଇ ନିର୍ଧାରିତ ଓଭରରେ ମାତ୍ର ୧୩୭ ରନ୍ କରି ପାରିଥିଲା ଆରସିବି । ତେବେ ଅଧିନାୟକ ବିରାଟ କୋହଲି ୪୩ ରନ୍ କରି ଆଉଟ୍ ହୋଇଥିଲେ । ଦିଲ୍ଲୀ ପକ୍ଷରୁ ମାର୍କସ ଷ୍ଟୋଇନିସ୍ ୨୬ ବଲରେ ୫୩ ରନ୍ କରି ଦଳର ବିଜୟରେ ପ୍ରମୂଖ ଭୁମିକା ତୁଲାଇଥିଲେ । ଏବଂ ଦ୍ରୁତ ବୋଲର ରାବାଡ଼ା ଆରସିବିର ୪ଟି ୱିକେଟ ନେଇ ଜିତିବାକୁ ସେପଟେ ଆଜି ଆଇପିଏଲରେ ମୁମ୍ବାଇ ଓ ରାଜସ୍ଥାନ ମଧ୍ୟରେ ହେବ କଡ଼ା ଟକ୍କର ।
