ଜାଭେଲିନରେ ଅନୁ, ୧୦କିମି ରେସ୍ ୱାକରେ ସନ୍ଦିପ ଜିତିଲେ ବ୍ରୋଞ୍ଜ

ବର୍ମିଂହାମ: ରାଜ୍ୟଗୋଷ୍ଠୀ କ୍ରୀଡାରେ ଭାରତୀୟ ପ୍ରତିଯୋଗୀମାନଙ୍କ କମାଲ ଦେଖିବାକୁ ମିଳିଛି । ଦଶମ ଦିନରେ ପଦକ ପରେ ପଦକ ଜିତିଛନ୍ତି ଭାରତୀୟ । ମହିଳା ଜାଭେଲିନରେ ଭାରତକୁ ଆଉ ଏକ ସଫଳତା ମିଳିଛି । ଜାଭେଲିନ ଥ୍ରୋେର ଅନୁ ରାଣୀ ବ୍ରୋଞ୍ଜ ପଦକ ଜିତିଛନ୍ତି । ପ୍ରଥମ ଭାରତୀୟ ମହିଳା ଭାବେ ସେ ରାଜ୍ୟଗୋଷ୍ଠୀ କ୍ରୀଡାର ଜାଭେଲିନ ଥ୍ରୋରେ ପଦକ ଜିତିଛନ୍ତି ।

ସର୍ବାଧିକ ୬୦ ମିଟର ଜାଭେଲିନ ପକାଇ ସେ ଏହି ସଫଳତା ହାସଲ କରିଛନ୍ତି । ଅନ୍ୟପକ୍ଷରେ ରେସ୍ ୱାକରେ ମଧ୍ୟ ଭାରତକୁ ସଫଳତା ମିଳିଛି । ୧୦ ହଜାର ମିଟର ରେସ୍ ୱାକରେ ଭାରତ ବ୍ରୋଞ୍ଜ ପଦକ ହାତେଇଛି  । ସନ୍ଦିପ କୁମାର ଏହି ବ୍ରୋଞ୍ଜ ପଦକ ହାତେଇଛନ୍ତି । ଭାରତର ମୋଟ ପଦକ ସଂଖ୍ୟା ଏବେ ୪୭ରେ ପହଞ୍ଚିଛି । ଏଥିରେ ୧୬ ସ୍ୱର୍ଣ୍ଣ, ୧୨ ରୌପ୍ୟ ଓ ୧୯ କାଂସ୍ୟ ପଦକ ସାମିଲ ରହିଛି ।