ନୂଆଦିଲ୍ଲୀ: ଦେଶର ସାମାନ୍ୟ ବଢିଛି କରୋନା ଗ୍ରାଫ୍ । ଦିନକରେ ୫୦ହଜାର ୪୦ ସଂକ୍ରମିତ ଚିହ୍ନଟ ହୋଇଥିବା ବେଳେ, ଗତକାଲିଠାରୁ ୨ଦଶମିକ ୭ ପ୍ରତିଶତ ବଢିଛି କରୋନା ପଜିଟିଭିଟି । ସେପଟେ କମିଛି ଆକ୍ଟିଭ କେସ୍ । ୫ ଲକ୍ଷ ୮୬ହଜାର ୪୦୩କୁ ଖସିଛି ଆକ୍ଟିଭ କେସ୍ । ଏହାସହ ଦେଶରେ ବଢିଛି ସୁସ୍ଥତା ହାର । ୯୬ ଦଶମିକ ୭୫ ପ୍ରତିଶତକୁ ବଢ଼ିଛି ଦେଶର ସୁସ୍ଥତା ହାର । ଦେଶରେ ୨୪ ଘଣ୍ଟାରେ ୬୪ ଦଶମିକ ୨୫ ଲକ୍ଷ ଟିକାକରଣ ହୋଇଥିବା ସୂଚନା ମିଳିଛି ।
କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ତଥ୍ୟ ଅନୁସାରେ, ଗତକାଲି ସନ୍ଧ୍ୟା ୬ଟା ସୁଦ୍ଧା ସମୁଦାୟ ୩୨,୧୭,୬୦,୦୭୭ଜଣ ହିତାଧିକାରୀଙ୍କୁ ଟିକା ଦିଆଯାଇଛି। ‘ଆଇସିଏମ୍ଆର୍’ କହିବା ଅନୁସାରେ, ଏହି ଭୂତାଣୁଜନିତ ରୋଗ ଚିହ୍ନଟ ପାଇଁ ଜୁନ୍ ୨୫ ତାରିଖ ସୁଦ୍ଧା ସମୁଦାୟ ୪୦,୩୫,୮୯,୨୦୧ ନମୁନା ପରୀକ୍ଷା ସରିଛି। ଗତକାଲି ପରୀକ୍ଷା ହୋଇଛି ୧୭,୭୭,୩୦୯ଟି ନମୁନା।
