ଅଣ୍ଡର-୧୯ ବିଶ୍ୱକପ ପାଇଁ ଦଳ ଘୋଷଣା କଲା ଟିମ୍ ଇଣ୍ଡିଆ, ୟଶ ଢ଼ୁଲ ଅଧିନାୟକ

ନୂଆଦିଲ୍ଲୀ: ଆସନ୍ତା ବର୍ଷ ଜାନୁଆରୀରେ ଓ୍ୱେଷ୍ଟ ଇଣ୍ଡିଜରେ ହେବକୁ ଯାଉଛି ଅଣ୍ଡର-୧୯ ବିଶ୍ୱକପ । ଅଣ୍ଡର-୧୯ ବିଶ୍ୱକପ ପାଇଁ ଦଳ ଘୋଷଣା କରିଛି ଟିମ୍ ଇଣ୍ଡିଆ । ଅଣ୍ଡର-୧୯ ବିଶ୍ୱକପ ପାଇଁ ବିସିସିଆଇ ୧୭ ଜଣିଆ ଦଳ ଘୋଷଣା କରିଛି । ଯାହାର ନେତୃତ୍ୱ ନେବେ ୟଶ ଢ଼ୁଲ । ଏହି ଟୁର୍ଣ୍ଣାମେଣ୍ଟ ଜାନୁଆରୀ ୧୪ରୁ ଆରମ୍ଭ ହେବ ଏବଂ ଫାଇନାଲ ମ୍ୟାଚ ୫ ଫେବ୍ରୁଆରୀରେ ଖେଳାଯିବ ।  ଏହି ଟୁର୍ଣ୍ଣାମେଣ୍‌ଟରେ ମୋଟ ୧୬ଟି ଦଳ ଅଂଶଗ୍ରହଣ କରିଛନ୍ତି ।

Here's India's squad for ICC U19 Cricket World Cup 2022 squad ? #BoysInBlue

Go well, boys! ? ? pic.twitter.com/im3UYBLPXr

— BCCI (@BCCI) December 19, 2021

ଅଣ୍ଡର-୧୯ ଇତିହାସରେ ସବୁଠାରୁ ସଫଳତମ ଦଳ ହେଉଛି ଭାରତ । ଭାରତ ଚାରି ଥର ଅଣ୍ଡର-୧୯ ବିଶ୍ୱକପ ଟ୍ରଫିକୁ ନିଜ ନାମରେ କରିଛି । ୨୦୦୦ ମସିହାରେ ମହମ୍ମଦ କୈଫଙ୍କ ନେତୃତ୍ୱରେ ଭାରତ ଟ୍ରଫି ଜିତିଥିଲା । ସେହିପରି ୨୦୦୮ରେ ବିରାଟ କୋହଲିଙ୍କ ନେତୃତ୍ୱରେ, ୨୦୧୨ରେ ଉନ୍ମୁକ୍ତ ଚାନ୍ଦଙ୍କ ନେତୃତ୍ୱରେ ଓ ୨୦୧୮ରେ ପୃଥ୍ୱୀ ଶ’ଙ୍କ ନେତୃତ୍ୱରେ ଭାରତ ଅଣ୍ଡର-୧୯ ଟ୍ରଫି ଜିତିଥିଲା । ସେହିପରି ଭାବରେ ୨୦୧୬ ଓ ୨୦୨୦ ମସିହାରେ ଉପବିଜେତା ହୋଇଥିଲା ଟିମ୍ ଇଣ୍ଡିଆ । ଚଳିତ ବିଶ୍ୱକପରେ ୟଶ ଢ଼ୁଲଙ୍କ ନେତୃତ୍ୱରେ ଭାରତ ପୁଣି ଥରେ ବିଶ୍ୱ ବିଜେତା ହେବା ପାଇଁ ଲକ୍ଷ୍ୟ ରଖିଛି ।